فوق هام السحب ( الشعر الشعبي) على متن القوافي

أنا وين أنام ؟ وطيفك يقول صح النوم
‏يسولف علي ، لين الفجر ينتثر نوره
‏
‏ثلاثه .. تجيب العيد بالعاشق المحروم
‏نسيم الليالي ، والطواري ، وابو نوره

......

ماني بحاجة ناس مَ عندها إحساس
أنا بحاجة شخص لا طحت ، جـــاني

يَ كثـر ما نسمع تـــرى الناس لـلناس
بس الحقيقة طبع هالناس - ثانـــــي

......

‏مايلوي ذراع الصبر غير الأقدار
أو دعوةٍ نامت بمتن السحابة

شيٍ نبيه ويمضي العمر ماصار
وشيٍ يصير وماحسبنا حسابة

......

لمتابعيني قدر لو ماتكلمت
وبـالقلب شيً ما نطق به لساني

للي يواصل أو يتابعني بصمت
شكـــري وتقديري وجـــل إمتناني

الحمدان .....

‎صبرنا على ماجابه الوقت زين وشين
‌‏ولا حطمت صكات بقعاء عزايمنا
‌‏ٰ
‌‏نحشم الرفيق ولا طردنا ورى المقفين
‌‏وعلى نخوة الناخين نحذف عمايمنا

.....

‏لا تزعجون الصدر في كثر العلوم
‏ماينقل الهرجه سوى عجز الضحى
‏
‏الطيّب لـ ربعه ولو خابوا يقوم
‏وإلا الردي من فوقهم مثل الرحى

......

مثل الجبال الراسيات الشواهيق
‏بعض الرجال وبعضها كالنّثيله
‏.
‏وإليا لزّمت إلزّم خوي المطاليق
‏وجنب عن اللي خوّته لك وسيله

.....

ترى صدور الناس مثل المخازن
‏ياما بداخلها من الشر والخير
‏ٰ
‏وأكبر نجاحك في الحياة التوازن
‏والصبر لا صكت عليك المقادير

......

ماتجاهلت العوايد وضيعت السلوم
‏يوم غنت كل نفسٍ على طاروقها
‏ٰ
‏اترفع عن كثير السوالف والعلوم
‏والبشر اعرف مواجيبها وحقوقها

......

‏خالد الفيصل يقول
ليتك معي ساهرٍ ليل الهـوى كلَّـه
ما انوم أنا وإنت لأجل الحبِ سهراني

ترى السَّهر مع حبيبك يبري العلَّـه
لي صرت شفقٍ وهو عليك شفقـانِ