فوق هام السحب ( الشعر الشعبي) على متن القوافي

‏عطاني وصاله دون قيدٍ ولا تحديد
‏بلاني بروحه ولا أنا ما تمنيته
‏َ
‏تزاينت وضعي واثرني يا رفاقه صيد
‏خذاني اسلوبه بالهوى لين صافيته
‏َ
‏جزاته على الله ليه عرضني التنكيد
‏عقب ما توثق في ضميري وحبيته
‏َ
‏تصرم حبال الوصل والحال ما به جيد
‏خذا الشوق حقه وابتلى عقب عافيته

......

‏قـالوا من انت وقلت واحد مـــن الناس
إنـسـان عــادي مـامـعـي شــي زايـد

ما امـلـك الا شـوف عيـنـي والأنـفاس
واحساس مـرهف انســجه فـي قـصايد

......

لْيا اقبلت قام يتكفكف دجا الليل
‏كل الديار المظلمة نوّرتها

‏ولْيا ادبرت غطّت جسدها المجاديل
‏بين الخلايق لو تعرّى كستها

‏إن كفّته مثل الغصون المحاميل
‏وإن فلّته قام يتثنّى تحتها

‏كنّه سبيب اللي ليا ماحت الذيل
‏راسه تعدّى راسها ورقبتها

......

ابدع هجوسٍ كنها تمر الأسعاف
والا تشابه مثل ذوب النحالي

وانا لحالي جالس اراس نفناف
في راس ضلعٍ زايدن عالجبالي

وارد قافي في عديمين الاوصاف
لباسي جنبي يوم رد السوالي

المخشي اللي وامنو كل مختاف
والشيخ صالح مثل زيد الهلالي

وابو شرف ياسعد صايح وغطراف
يادوس خصمه مثل دوس النعالي

حلف لي يحميها مزارع ومشراف
وابا ع العشه و وادي الجمالي

عند رجالٍ كنهم زكة اشراف
اهل الجمايل واهل صفر الدلالي

خل العرب كم كثرو من تحلاف
لكن مانختاف والحظ عالي

لو اعتقبنا ماحصل بيننا خلاف
يمين ماترضى بقطع الشمالي


معتوق الزبيدي

احن حن الرعد واعوى عوى الذيب
لا بات جايع ما لحق على الرعيه

على الشباب اللي مضى عقبه الشيب
واعلام كانت روحت من يديه

يا هجرنا اللي رحت كم فيك من طيب
كنت احتزم في حزام البندقيه

واليوم اسير كن في العظم تصليب
عجز يداويني حكيم (الصحيه)

بان الجفا من قريبي والاصاحيب
وذيك المحبه بعدها مكرهيه

شنيوني الاصحاب مالها تسابيب
والشيب ما هو عيب ولا خطيه


معتق الزبيدي

اليـا حـكينـا نـعرف الـزين والشيـن
وخـبل العـرب لاشـار مـا نـنتشيـره

اكـرام لكـن بالـسـوالف بـخيـلـين
ما نـجـيب ل أعـراض الأجـاويد سـيره

نـصـد لاشـفنـا خـمـال الـقريبين
صـدة قـصـير عـن مـحارم قـصيـرة


سعد المطرفي

عساالله يرحم من طلعت بعده رجال
وحط الك اسم والناس تعرف بساميها

تجمل وحصل نعم وانته ورثت المال
ورثت الك دنياًغيرك اللي تعب فيها

اورثت الك اسم لاكن بعت الاسم بريال
اسامي رجالن يرفع الراس طاريها

نصيحه تروح تغيراسمك من الاحوال
واسامي ثلاثه من بطاقتك تلغيها


مزيدبن تعلي

ماكل هـرجـه عـابـره نـعـترضـها
اللي ماهي صوبك لاتلقي لها بـال

حتى لو انك عـارفـن وش غـرضـهـا
الصمت قالو من ذهب عبر الامثال

ماغيّـر نـفوس البشر عن بعضهـا
الا الحـسد ومتابع القيل والقال

واهل القلوب السود نعرف مرضـها
لو جـرة السـارق مثـل جـرة الـذال


زويد الهويملي

‎

الصيت لاصار طيّب والنبا عاطر
وقلبك بالايمان متطيّب ومتعطر

لوكان رزقك على قول العرب (قاطِر )
الناس ب اخلاقها المبسوط والمضطر

مرٍ تشين الظروف ويصفي الخاطر
ومرٍ تزين الظروف وتخرب الخُطَّر

لاتحسب اللي يمَضِّي حِجِّته شاطر
الشاطر اللي عن المنقود متشطِّر


زامل السبيعي

‏حنا على الدنيا ولو طالت ! ضيـوف
كــم واحدٍ عن عيــن غاليــه قـــفّى

الموت مايعرف مطانيـخ وضعــوف
ليا ومــره الــرب ! كفــى و وفّـــى

أسألك ياربـي وانا بـ داخلي خـوف
رضــاكـ قبـل يقــال خالد توفّــى


خالد نافل