اخترنا لكم

‏من يلوم العين لو هلت دموع
ومن يلوم القلب لو صفق وصاح

آه من قلب رقص بين الضلوع
مثل رقص الطير مكسور الجناح

.....

يامعلقة قلب من حبك عليك السلام
اللي ترفرف على كبد السماء رايته

ان كان جيتي مجيك فوق صدري وسام
وان كان رحتي في امان لله ورعايته

.....

نصوم ونصلي وندعـــي ونرجيك
ورضاك مكسبنا وعفـــوك رجانا

مـــوحــــدين وكلنا منــك وإليك
عساك ياغـــفار تغفـــر خــــطانا

آمين

بعد ماكبّر بقلبي وصلّى به صلاة قيام
ترك بين الضلوع الحانيه سبحه وسجاده

واروح برحلةٍ ماهيب للراحه والاستجمام
تسافر بي بدون رضـاي في رحلة تنهّـاده

.....

مثل مايقطع الفنجال عرق الصداع
نقطع الحاجه الصعبه من جذوعها

.....

ضيعـتني يا غايتـي ضمن بلواك
وحسيت قلبي عقب رايك تدمر

اسقيتني كاس الالم من ثناياك
كنـه رصـاصً بـين جمرً مجَـمَر

وفيـت لـك والقـلـب لبـا. ولـباك
وحبيت روحك حب حايل لشمر

الله يبيحك من يسوي سواياك
وانت الوحيد اللي له القلب عمر

رذاذ الحبر

ما نسيتك من دعاي وحر مالي
في صيام وفي فطور وفي تهجّد

والله ان أموت ما فارقت بالي
لو سرى قلبي من الشوق يتوجد

.....

اسلوبك العذب واخلاقك وترحابك
‏خلت جميع المشاعر تتجه صوبك

‏حتى غموضك ورى الأسماء ماعابك
‏خلاني أحب شعري فيك ودروبك

مطلق العتيبي

تهادى سكون الليل وإنكفوا السمّار
وراق الهوى ترويقة السالي الداله

على الكون خيّم جو تسبيح وإستغفار
مشاعر تعيش فاقد الحاله الحاله

هني لمن يستغفر الله بالأسحار
وينفض غبار الصدر ويصحح أعماله

.....

الهدوء النفسي وضحكي وزين أخلاقي
لاتغرك تحسب اني بالحياه مرّفه

مرّ ثلثين العمر والثلث الآخر باقي
المفارق ناطحه والذكريات تدفّه

.....