فوق هام السحب ( الشعر الشعبي) على متن القوافي

الـمرجله مـاهي ذبيحة وتـصوير
مـا تـَرفع الـرجال ذبـح الـذبيحة

المـرجـله نخـوه و وقـفـه و تـقـدير
مـزارقاً عـلى الـسلوم الصحيحة

قـوله (نّـعم) بين الرجال المناعير
مـا حـاشها رجلاً يدينه شحيحه

من لا كسبها والعمر توه صغير
اليا كـبر تـصعب عـليه الـمديحه


نواف زويد

اللي سكت عن كلمة الحق شيطان
لو لحيته شبرين ربه حسيبه

سلّم على اللي فاهم الدين بتقان
اللي ..ملذات الزمن ماتجيبه

يمشي على السنه عقيده وبرهان
وتيار وقته بالفتن مايصيبه


سندالعريمه

عزالله ان الوقت هذا ماهوب زين
ضاعت مفاهيمه وشانت علومه

تغيرت فيه القصص والعناوين
وزادت معاناته وكثرت همومه

ابو الحصاني يظهر الصبح ويبين
والذيب في مخباه ما حدن يلومه


أبو مشعان

الصمت يغنيني عن القال والقيل
لاصار بعض القول كله سماجه

أصمت و كني مااجيد التماثيل
من خوف لا خبلن يكثر إزعاجه

صوته يلعلع دون فهم وتفاصيل
هو يحسبنك مندمج بندماجه


سعود الرخيص

طبيعة مزاج الأدمي يظطـرب ويروق
ولكن سلم البعض وأفكاره تحيّر

يبي له مع الأجواد مدح وذكر وحقوق
وهو بين يوم ويوم له طبع متغير

عسى من علاقاته بنامثل وضع السوق
إذا زان سوقه رآق وإن شان يتغير

يحصل له اصحابٍ على دقته والذوق
مثل حضرته يطب فيهم ويتخير


النجم العالي

يا وقتنا اللي على جورك معودنا
في كل يومٍ علينا سيفك تسله

وحنا على قسوتك عادي تعودنا
نصبر ولا نقبل الميلات والذله

حتى لو الحظ بالدنيا معاندنا
ناخذبالأسباب ونقاوم بحول الله


النجم العالي

جاك النذير اللي يبى ينقذك من بيت الخراب
ماجـاه احـد مير الشهـامـة جابته لك ياصبي

من نفسه يسوق العذر من نفسه يرد الجواب
فاعل يحب الخير و الاشكـال في فـكـر الغبي

الا مـصـمـل في طـريـقً ما وراه الا العـذاب
وفي بالـه انه معتبر مثـل الصحـابـه و النبي

يامسيلمة لا مـر ذكـرك قلت و الله و التراب
ماهو بـعـاد اجيـك ادور عـذر تخسي و تهبي


محيا الكسر

‎

القلوب البيض تصبر على مالا تطيق
والسبب طيب النوايا وزينات الظنون

كم دخل غيبوبة الوقت وازرا لايفيق
ابلـجٍ وقت المواقيف يكبر فالعيون

ايتضايق كل ماحسّ له صدرٍ يضيق
واستغلـّوا رحمته عالمٍ مايرحمون

والانانيةلياجات في صدر الصديق
استغل اسم الصداقة على اتفه مايكون


محمدالدهيمي

البعد عن ضوضاء المدينه والازعاج
وفراق بعض الناس للروح راحه

ترتاح نفسك من عنى كل هراج
وفكرك عن الروتين تطلق سراحه

في مرتعن ما داج به كل دواج
نسمة هواه علاج شاكي جراحه


الهاب بدر

يغنيك رب العرش عن فزعة اللاش
لا تطلب الفزعات من غير اهلها

اللاش ماحاز المراجل ولا حاش
ولا يطلع القمة يدور سهلها

عليك باللي فزعته تنعش إنعاش
ولا يرتكي للقالة إلا جملها


رحيم العالي

‎