فوق هام السحب ( الشعر الشعبي) على متن القوافي

‏يغيرني اسلوبك ماغيرني الوقـــت
ان جيتني مسموح وان رحت مسموح

عليك في صدق المشاعر تفوقــت
ومعاك شفت الصمت يغني عن البوح

اشوفك اول راحتي لاتضايقــت
ايام كنت النبض والقلب والروح

لاغبت عنك تقولي وينك اشتقـت
واليوم ماني في معاتبك مصلوح

......

من وين لي ناصح يوافقني الراي
مخالفيني كرهوني النصيحة

كم جيتهم لاجي ثر الخوف ملجاي
واهديت نفسي للسيوف الصريحة

اقفي من الحاضر مأمّل في الجاي
واعود من عنده بحجّة جريحة

رايي ضعيف، أدري به تخيب دعواي
مغير ما بحته لذي يستبيحه

بل عادني دونه وما دونه سواي
لا العالم بكفّة فكفّي رجيحة

والقى العواصف ماهي تثير شكواي
بالعكس اقول لريحها حي ريحه

يا شفّ عنّاني وحمّلني اقصاي
وأخفيك لكنّ القصائد فصيحة

بارضيك أنا في وقت يا كاسب ارضاي
ما فيه غيرك يستفز القريحة

حاتم السقاف
اليمن

من راقب العالم يشوف التعاجيب
ومن طاول الدنيا يشوف الغرايب

لا كامل الا وجه من يعلم الغيب
ولا رابح الا اللي من الذنب تايب

......

من عف كف ومن تألم تعلم
ومن عاش بالواقع ترك كل الاحلام

ما يندم الساكت كثر من تكلم
ولا يامن العاقل صواديف الايام

......

انت الوحيد الي له القلب منصاع
‏غـصباً على راعيـه ! بالحب ناوي

‏تبعك قلب .. وصاحبه ما هـو تبّاع
‏من شان وصلك جاك هاوي وغاوي

‏تكفى ويكفيني من العمر ما ضاع
‏حافظ على قلبٍ هقى بك هقاوي

......

‏من يوم خيبوا بعض الناس ظّني
‏زادت طموحاتي ثقه ما تلاشت
‏
‏خسرت بعض الناس يمكن لآني
‏أخلاقي ، مع رغباتهم ما تماشت

......

مـن اتعبه صمت الجـفا لا ينـادي*
أصعب شعور إن قيل صوت الغلا خاب

والقلب الأبيض بـ الزمان*الرمادي
يشبه ضياع الحـق في وقـت كـذاب

......

‏في ذمتي ماهوب معجزني الرد
أنا اعتبر صمتي جزء من كلامي

صدّي عن اللي ما يبادلني الود
شيمه لنفسي واحترام لمقامي

......

انّ جابها الله والمشاعر سليمه
يبغى لها حمد وشكر وتسبيّـح

وان ما كتبها الله فلا به هزّيمه
حنا بشر نحتاج ونقوم ونطيـح

ولنا مع الايام ذكرى أليمـه
ولنا ليالي من سعدها مفاليّح

......

‏⁧ الحياة⁩ :
‏
‏دنياً توضح لك و تكشف لك دروس
‏ودروسها منها اللّبيب إيتعلّـم
‏
‏بتعلّمك لين تغـدي كنّك القوس
‏لاكن قبل ما تلتفت لك تـولّـم