اخترنا لكم

استميل لعزلتي وأبعد ولا عندي سبايب
‏غير حبّي للهدوء اللي عن اللجة مبدّا

‏في مكان ٍ ما يمرّه غير ذعذاع الهبايب
‏كل ما يطرق ضلوعي قلت هذي وصفة الدّاء

‏الخلا الخالي حبيبي كان باقي لي حبايب
‏عقب خلّيت الحسايف من معاليقي تغدّا

‏خاطري سامح وقلبي عن جميع الناس طايب
‏أكثر اللي كان طيّب تالي أيامه تردّا

.....

البرد ما هو برد عرعر ولا الجوف
ولا تبوك الثلج وجبال حايل

البرد برد القلب في داخل الجوف
لا حال ما بين المحبين حايل

.....

ما يرجع الفايت كثير الحسوفات
‏ولا يحيي الميت عيونٌ بكت له

.....

رمتني بسهمٍ فكان السهم رنانا
‏فوطّيت راسي فمر السهم من هانا

‏إن العيون التي في طرفها حورٌ
‏ودت عيال الحمايل في خبر كانا

‏يا من هواه أعزه وأذلني
‏ما هو بحقٍ تولعنا وتنسانا

‏لا تحسبن المجد تمرا أنت اكله
‏لن تبلغ المجد حتى يجيك ما جانا
😂

أعز ما أملك في حياتي علوي
وأشد ما أكره بالحياة الدناوه

توي علي تنزيلة الراس توي
راسي عنيد ولا براسي فضاوة

ماهمني قطو بشارع يموي
ولو تمتلي كل الشوارع قطاوة

فرحان قيران

ريحه مثل ريح النفل في شعيبه
في خايعٍ علّه من الوسم تشعيب

ممطورٍ أمس وممسيٍ ما وطي به
واليوم شمس وفاح طيبٍ على طيب

.....

يا طول ما وسدت راسي كتادة
من خوفتي يعتاد لين الوسايد

فمن عود العين الرقاد تعودت
ومن عود العين المساري تعاود

راشد الخلاوي

والله ما أخلي الطيب وانكس على الردى
والأموال عارية والأعمار فانية

راشد الخلاوي

ودي أطلع في خلا نجد وأفك الزرار
وأصدح بصوتي وأغني على واحد اثنين

.....

والله لو تكفخ كما يكفخ الطير
‏نصيبك يصيبك ولا لك بديله

‏لو ياقفون الناس دونه طوابير
‏يجي لك المكتوب والا تجيله

‏سعد بن جدلان