اخترنا لكم

اكحل عدوِّك لين تعمى عيونه
‏البس له أغلى اللبس لو كنت جايع

خلف بن هذال

والله أن رد الجمايل مثل رد الدموع
‏أن قدرت ترد دمعك قدرت تردها
‏
‏بدري بن صالح الشيب

ليلي أسهربه ولـ جاء النهار أشلى شوي
‏مرّهٍ أشلى ومرهٍ يعاودني بلاي

‏وأنت سبة كل شي ولا داويت شـي
‏كيف ياقادر على داي ماتقدر دواي

سعد بن جدلان رحمه الله

أتصبر وأقول إني على البعد قاوي
‏والله أعلم بقلبٍ فيه الأشواق حية

.....

وكم شايبٍ عبرته بالصدر دلّاجة
على عيالٍ تحسف يوم رباها

نسيته يوم أصبحت ماهي بتحتاجه
من عقب ما كان مزبنها وماواها

.....

ماهوب عيبٍ تعتذر من خطاياك
‏العيب والله صدتك وأنت مخطي

.....

أنا بعير الشقا وأنت حوار الربيع
مدري مربيك راس العود ولا المره

مستور العصيمي رحمه الله

‏اليتم يتم الأدب والموت موت الضمير
‏ والحب حب المعالي باختلافاتها
‏
‏والجرح جرح المشاعر من لسان الحقير
‏والصوم صوم الجوارح عن شهواتها
‏
‏والبخل بخل الغني والجود جود الفقير
‏والبعد بعد النظر ماهي مسافاتها
‏
‏راجح المغيري

‏ماتكنّ القلوب وماتشيل المخابي
‏بوحها يلحق الرجّال شكه وريبه
‏
‏بين هرجة عذول وبين شخصً حكابي
‏العرب صدقوا وانا دفعت الضريبه

‏لو نواياي تستر ماانكشف من ثيابي
‏المجامل بمن لايستحقه مصيبه

‏د. محمد مريبد

‏النعم مايطلق على كل رجال
‏ولا كل من يبغى المديحه وجدها

‏ولا كل رجلن للثقيلات شيال
‏ولا كل من يزرع زروعن حصدها

‏النعم للي للصعيبات حلّال
‏ولا شانت القالات حلل عقدها

‏لا جا مجال الطيب يضربه امثال
‏على اسمه الخفره تسمي ولدها

‏ماهوب ملقوفن على الربع شيّال
‏معطيه ربه نعمةٍ ما حمدها

ياسر الروقي