اخترنا لكم شعر نبطي وفصيح

لا تلتفت للناس وتقول قالوا
عليك في نفسك ولا تتبع الناس

وان كان هم فى غفلة الوقت مالوا
خلك جبل واثبت على مبدأ وساس

.....

مانيب مجبور أخاطب على قد العقول
والله إن بعض القناعات عندي مهمله

الكلام تشوفه الناس حل من الحلول
مثل ما أشوف التجاهل يحل المشكله

.....

‏ياليت بعض الناس مايشغل الناس
ويكـون في نفسه جميع اهتمامه

بعض العرب هماز لماز بلاس
نسي العذاب ونسي يوم القيامة

نعتب على وقتنا ونقول
انه السبب في بلاوينا

ولو عدنا إلى المعقول
أكيد نلقى السبب فينا

.....

ترى التشكي للمخاليق يشــــــنـاك
يحط من قدرك ويفـرح امعــاديـك

وكثر التـشره يجعـل الناس تجـفاك
ولاعــاد تلـقى بيـنهـم من يخـاويك

.....

لاتطلق السر من سجنه وتطلب كفيل
‏دمار بعض القلوب البيض من طيبها

‏مير انتبه لايجي سـرك ذبيحه بخيـل
‏ماينبسط لين كل الناس تدريبها

.....

النفس لا طاوعتها عشت مغبون
ملزوم في بعض الامور تعصاها

.....

أطمح وأبالغ وأرسم أحلام وأطير
ما للأماني حد على حد علمي

دايم طموحي غير لأني أنا غير
ويارب تعطيني على قد حلمي

.....

لو تنكسر و تْطيح من طولك
الناس لا تدري عن احـوالك

إفرح اذا شفت الفرح حولك
واذا بتحزن احزن لحالك

.....

الشك باب ويفتحه كل مفتاح
وإذا إنفتح ضيّق عليك الزوايا

ان كان ودك تقضي العمر مرتاح
حاكم سلوك ولا تحاكم نوايا

.....