فوق هام السحب ( الشعر الشعبي) على متن القوافي

‏للنّاس ربٍ على اخطاهــا يحاسبـــها
‏دوّر على اللـــي يهمّك واحسن النيّه

‏احرص على الكلمه اللي لا نطقت ابها
‏تكسب بها حســنه وتدفـــع بها سيّه


......

‏ِ
‏نوعين من كثر اختلاطي مع الناس
‏من اصعب الانــــواع طبع وغريزة

‏حاول تجنب تجرح انسان حساس
‏واحــذر اهانة شخص نفسه عزيزة


......

‏سبحان خلاق المحبه بلا اسباب
ناس لهم ف قلوبنا جاذبيه

اصدورنا تفتح لهم كل الابواب
من دون لا رخصه و دون الهويه


......

‏مغتني من خير ربي قبل خيري
‏و مكرم(ن) نفسي و لو ما أتبع هواها

‏و ما رجيت .. الحاجة اللي عند غيري
‏عندي أشياء مات غيري ما لقاها


......

‏لاطابت النفس شامت لو تلج الضلوع
لو الضما حدها صدة عن السلسبيل

من يوم ربي خلقها ماتحب الخضوع
ماروضتها الزحول اللي تهز الثقيل

صلفه عنيده سنافيه عريبه قنوع
ماهي من اللي ليا هب الشمالي تميل

عودتها في ظلام الليل توقد شموع
وعلمتها مايدوم الا العزيز الجليل

......

إن شفتني مغليك احذر من الصد
ترى التغلي درب تشتيت الاحباب

ولا يغرك ممن يقول اثقل وشد
ترى اغرب الفرقا من شور الاصحاب


محمد بن فطيس

تعال واشرب من خفوقي فناجيل
قهوة غرامك طعمها شي ثاني

الهيل حبك والوفا له معاميل
والنار شوقي وسط ذيك المحاني

دلة هوانا حب واحلى محاصيل
يسمع صداها كل قاصي وداني

يرسم غلاتك في بيوته تفاصيل
يانور عمري فيك بسمة زماني

شوفي خفوقي والحنايا مداهيل
ماريد غيرك لو يجوني ثماني

......

حبل المواصل بين الاقراب مده
ارخه ليا شدوه واليا ارتخى شد

و إنس الخطا حتى تدوم الموده
من يذكر الهفوات ما يحفظ الود


......

تشكّل البعد في صدري غياب وحنين
والشوق لا هبّت الذكرى عطاها يده

لو يعرف القلب موعد غيبة الراحلين
تغانم الوصل لا حبابه قبل موعده


......

عيش يومك لا بدى صبحه و غنا طيره
و جدد أحلامك و غلفها بصبر و دعوه

و ظن في حاضرك دايم كل خير و خيره
للتفاؤل طعم حتى لو تخيب الهقوه


......