قصائد الدكتور / الشاعر حامد محمد الشمراني 🌴🌾(متجدد)

الله على ذكرى السنين وذكريات الطيبين
اللي غلاهم في شراييني وفي وسط العيون
في الصبح والا في العصر والا المساء متسامحين
وكل واحد من نقاوتهم على الثاني يمون
كلمات / الدكتور حامد الشمراني

أعز نفسي واعتلي منزل سهيل
وارفع مقامي عن سواليف الانذال
واجلس مع الونعم على صافي الهيل
وابعد عن اللي همه القيل والقال
الدكتور/ حامد الشمراني

أجمل الأيام يوم انا التقينا
واصعب الأيام يوم انا افترقنا
ليتنا نسلى ولكن ماسلينا
القدر مكتوب والحاصل قدرنا

الله يازين الغزال اللي نظر لي بالعيون

سبحان ربٍّ قد عطاه من الجمال وجمّله

في نظرة عيونه حكي ومن نظرة عيونه حنون

ومن الصفات الحالية ربي عطاه وكمّله


د. حامد الشمراني

يارب بشرنا بزين البشارات / للدكتور حامد الشمراني

أون من ونّتك وتدمِّع العين
لكن ما باليد يا ابوي حيلة
ياعين ما الومك على ابوي تبكين
والروح بعد اللي حصل له عليله
يالله ياللي خالق آدم من الطين
تشفي أبوي ولا هي عليك مستحيله

يا الله عسى القادم من أيامنا خير
ويا الله تشفي من غمرني بحبه
يارب وانت اللي بيدك التباشير
تشفي الذي عندك علاجه وطبه

الدكتور
الشاعر حامد الشمراني

أحب راعي الطيب سفر المحيّا

نقي قلب وله نوايا سليمة

كساب طيب وهمته للثريا

سديد رأي وفيه قوة عزيمة

إن كان قلبك مابه احساس وشعور

دور على دكتور يبري عيوبه

وان كان من جور الزمن صار مكسور

فـ ادع الله يزيّن زمان العقوبة
د. حامد الشمراني

يالله في التوفيق ودروب الفلاح

والحظ يرقى للنوايف فوق فوق

ويارب في التسديد وشعار النجاح

ماغربت شمس النهار وفي الشروق