اخترنا لكم

دام السماء لله ما ضاقت الأرض
‏ماني من دروب المقــادير جازع

‏عندي يقين يعلم احلامي النبض
‏بكـــره بسيّل للســـعاده مدامع

‏لي موعــد ٍمع ليلةٍ نجمها الحظ
‏أشـــوف فيهـــا ما تمنيت واقع

.....

دوّر على اللـــي يموت ولا ظهر زيفه
‏يبقى لك اقرب من اخوك وولد عمك

‏خلك من اللـــي مشــاريهه على كيفه
‏لامن رضا يمدحــك واليا زعـــل ذمك

.....

لو يطيب اللي مع العالم قليل مروه
‏الرخـامـه فالرخوم عروقـها دساسه

‏احتزم باللي عزومه تنطح اكبر قـوه
‏وان تـردا فـيـه وقـتـه مـا تـردا راسه

.....

ما فيه نــاس ٍ من الاوجــاع مرتاحه
‏والصــبر في مثلهــــا من ربنا منحه

‏لولا التعب مـا عرفنـــا قيمة الراحه
‏ولولا المرض ما عرفنا قيمة الصحه

.....

خلك خفيف ألنفس راقي وجذاب
‏لا تصــير بعيون ألمخـــاليق عله

‏إضحك وفرفش لكن بحب وأداب
‏إعرف حدود المزح وأعرف محله

.....

‏تخجل مْن النود مغلقة الدرايش
‏لا أطرقت بأنسَامها الأسوار ليلة

‏تمسح دْموع الندى على الحشايش
‏ريَّفة تشبه لأصابعْك النحيلة

‏تبغي مْن الليل عيدٍ فيك عايش
‏كنت أعيشه بين وضَّاح وجديلة

‏يذكرك عقلٍ نبيه وقلب طايش
‏ يا أجمل أحلام الحياة المستحيلة

‏ما قدرت أنسى حضورك وآتعايش
‏وأنت في كل التفاصيل الجميلة

.....

لا تعذليني يوم أجرّ الصوت في راس الطويل
‏الليل توّه ماسرى والشمس بكره باديه

‏أنا حياتي ما بقى منها كثير ولا قليل
‏غير القصيد اللي كتبته في مرابي ناديه

‏بنتٍ تثنّى في ضواحي نجد وتفلّ الجديل
‏جيت أتداعى في مرابيها وروحي غاديه

‏واللي ورى صدري على الميعاد مايبغى دليل
‏قلب بدويٍ ما رعت به غير بنت الباديه

‏مانيب مستغرب يزلّ العمر ويخفّ الثقيل
‏الوقت حادي وأغلب العالم معه متحاديه

‏أغيب وإن شفت البروق تلوح فالطرف الكحيل
‏أرجع على صوت العزاوي فوق ظهر العاديه

‏بين الطواري والقصيد العذب والبيت الجزيل
‏أنا أحترق من داخلي والناس حولي هاديه

‏مانيب مثلك كل ماغنّيت يالغصن الظليل
‏تومي بك الأنسام وتغني عليك الشاديه

‏أنا سحابٍ حنّت رعوده وحوّل فالمسيل
‏لعيون من تمشي تحت وبله وهي متهاديه

.....

تولعت ومشيت الدرب لا فاقد ولا مفقود
‏وأثرني كل يوم أكتب قصيدة وأخسر سنافي

‏أجاهد في سبيل الحبّ كلّه لأول العنقود
‏وأجاهر في غلاها كل ما عدّيت مشرافي

‏ترى قلبٍ تولّع فالهوى ما يلحقه منقود
‏ليا صار الهدف حبٍ عفيف وخاطرٍ صافي

.....

اي والله اني أهوجس ولاني مرتاح
والحزن في حوش الحنايا بفاروع

أمسيت من وصل المواليف امزاح
وأصبت من فرقا المولايف مفجوع

.....

‏هنا اخر لقاء وأول محطات الاستنزاف
‏مكانٍ كراسيه تسولف عن اشواقي

‏عطيته سنين وقلب و ابيات ما تنعاف
‏ورجّع لي ابياتي ولا رجّع الباقي

‏انا بأخر ايامه سمعت الكلام الجاف
‏وكذّبت سمعي لو تشهد له احداقي

‏وبعد ما نطق في تالي الليلة إسمي حاف
‏عرفت أنه العربون في ليلة فراقي

.....