اخترنا لكم

عليك بالتــقوى وبــر الـوالــدين
‏وعليك بالفزعه لمن جاك ونخاك

‏ثلاث ما تخفـــى عقـول العارفين
‏ترفع مقامك ما تنـــزّل مستـواك

.....

الشجاع يشوف معنى الحياه مغامره
‏ان ربح والا خســـر حكمته بكره تزين

‏والجبان يشـــوف كل الحياه مؤامره
‏البشــر فيها عِدا والفــرح فيها كمين

.....

‏يوم سقت القلب والنيه مطيه
‏قفوا العربان وخلوا له حسايف

‏السوالف كانها تجلب خطيه
‏والله إني من كثير الذنب خايف

.....

‏مياسة القد ما للوصل عندك مجال
‏طالت ليال المعاتب والسهر والعنا

‏انتي على غيري من الناس صعبة منال
‏متفانية لي بحبك لين يوم الفنا

‏من بيننا طالت الصدة وطال الجدال
‏لمعانق الحب والاشواق هيا بنا

‏في ليلة فارقه عن سابقات الليال
‏ابطالها الشعر والاحساس وانتي وانا

.....

سامحيني واعذريني بعد طال الغياب
‏غيبتي يا غاية الروح ماراحت سدا

‏افتحي للصفح قلبك وللاعذار باب
‏وامنيّني من عواصف عتابك واهدا

‏شاعرك لو كان بعيون خلق الله مُهاب
‏تخلفه طلّة جبينك اليا منه بدا

‏عاد لك من بعد رحلة مليئة بالصعاب
‏مبتسم ويسر الاصحاب ويغيض العدا

.....

‏أنت مثل العمر والعمر مثل الوداعة
‏ لايديمك رجاي ولايرّدك ملامي

‏يكفي إنّك سراب ما تركت اتِباعه
‏وأسمك أصبحت مستثنية بين الأسامي

‏مابقى عقب وجهك وجه اخشى وداعه
‏وين أبلقى بعدكْ اللي يًرمّم حطامي

.....

‏يارقيق المشاعر ليه تجرح شعور
‏وليه ماتغْفر الزلّه ليا جات لك

‏السوالف تصير أحيان عميٍٍ وعور
‏ولاتحَسْب إن قايلهاا بها خاتلك

.....

حبيت اسلم واعرف اليوم وشحالك
‏من باب حق الوصال وقــدرك الغالي

‏وبعد السلام وسؤالي عنك واحوالك
‏كنت اتمناك لــو تنشد عن احوالي

‏كنت اتمناك لـــــو مريت في بالك
‏تذكر عهود الـوفــا في وقتنا الخالي

‏وتذكر ليالي هـوانــــا والبخت سالك
‏من قبل يصبح بختنا كـاســد وبالي

.....

‏اعلن مراسيم الوداع ان كنت للفرقى شغوف
‏شد الرّحال و مالك الا الي يلقيك القفى

‏ماطاح دمعي و انكسرلي قلب وعيونك تشوف
‏وشلون ابفتح باب لعتابك عشان اقول افا

‏الي يجي حسب الظروف اودّعه حسب ظروف
‏قلبي مع الي بايع العشره مثل صم الصفى

.....

‏انا ادري ان المظهــر احيان مطلوب
‏لكن ماهوب مطلوب في كل الاحوال

‏علامـــة الرجّـــال ماهيب فالثوب
‏اهـــم شي يكـــون فـ الثـــوب رجّال

.....