اخترنا لكم

عرفت الناس في فترة غيابي
عن الجمهور وأخبار التواصل

وجدت البعض في شكل انسيابي
وبعض الناس يجتاز الفواصل

ناصر الذيب

عيش فالدنيا كأنك ضيف بيت
إنتبه تطمع في زاده أو حريمه

خذ حقوقك من كرامه أو مبيت
وخل لك لارحت من ذا البيت قيمه

.....

‏وجهة نظـر اقولهـا باعتباري
اميـل للعزلـه واحب الهداوه

مهما وصلنا من تطـوّر حضاري
مافيه اجمـل مـن حياة البداوه

.....

‏يا وقت ماني طامعٍ في عطاياك
لادامت الدنيا و لانيب دايم

الله يجمّل سيرتي وآتعداك
للجنّه اللي من كبار الغنايم

بنيدر الشيباني

‏يالي مابين القيل والقال مرهون
الهرج نقله نقص ماهو رجوله

الله خلق لك عقل ولسان وعيون
ميز طريقك واعرف الي تقوله

مالك ومال الناس صاحي ومجنون
ترا كبود الخلق منك معلوله

لاتاخذك باذنك وكالة يقولون
خلك في قال الله وقال رسوله

عادل غالي

‏رزقـي على الله ماترجيت مخلـوق
ولاني من اللي يِكْثرون الشماتة

والعـبد من رب الـسمـوات مـرزوق
مـن يـوم يـولـد لـيـن تاتي وفاته

واللي لـنـا مكتوب لو صادفه عـوق
ياصلْ لـنـا لـو ناقل الرزق فاته

واللي مهو مكتوب لو سيق لك سوق
ما ياصلك لو جمّعوا لك شتاته

عبدالله بن رشيد

‏مرت علي ايـام وسـنين وشـهور
وجربت فالدنيا وشفت العجايب

فيها اختلاف الناس صاحي ومسعور
وتكثر بها الخيرات وايضا مصايب

احدن يلم الشـمل بالخيـر مذكور
واحدن على الرفقه يسوق الحرايب

لكن ترى الله خالق العبـد مـامور
في طاعتـه لازم يحـث الركايب

أبو عبدالله

‏انا اضيق لكن ماتضايق بدون اسباب
ولانيب مثل اللي لاضاق ادمعت عينه

الى احمر قرص الشمس وادوى شوي وغاب
وضوى الليل لين يحول من بيني وبينه

جفيت المكان اللي يزورونه الاصحاب
وتخيرت من روس المشاريف لي عينه

اوقف لطيفك وقفة المستحي بالباب
الى سام وجهه وانصرف ماقضى دينه

.....

‏مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه

.....

قهو المشاعر لاجاتك وانت راعي مكان
ورحــب بـها كــــــل ما مرت على فالها

قولة هلا منك تسوى الهيل والزعفران
وصفراً يداوي عماس الراس فنجالها

.....