فوق هام السحب ( الشعر الشعبي) على متن القوافي

يازين ، زينك ويا حلوك ويا مرك
وجهك يخلي جميع الناس مسروره

لا صارت جالس فديتك لا لا تتحرك
رزتك في جلستك حلوه ومخبوره

حر العذارى لو انها ناويه تحرك
ترى العذارى ليا حرتك معذوره

لا من ذبحني حنيني رحت لصورّك
واقبل البومها صوره ورى صوره

......

والله إني ضايق في خلاي و من خلاي
خاطري ماهو بودّه ونفسي ودّها

وعاصيٍ نفسي علشان ما أرخي مستواي
لو بطيع النفس بعدين كيف أردّها ؟

يافهد صرت أشرب الماء ولايقطع ضماي
لاتعاتبني ترى النفس وصلت حدّها

......

الحب فن و ذوق و اخلاق و اسلوب
و مشاعراً تعطى ما هي بمغصوبه

و انا هوى بالي من البيض رعبوب
يلفح جدايلها نسايم هبوبه

كامل حسين اوصاف ما فيه عذروب
لا شفت وجهه ما تدور عيوبه

بيديه لو يسقيني السم مشروب
اذوق بلساني ل سمه عذوبه

......

عطني علومك ، وطوّلها وفصّلها
‏وترحبّ أذني وقلبي وايدي وعيني

‏وأبعد عن الأرض وأبعد عن مشاكلها
‏وصوتك عن الناس والدنيا يكفيني

......

الحب ورد الشوق والقلب بستان
والنبض غيمه تمطر الود بالروح

والذوق كل الذوق لو كنت هيمان
بين الخجل والصمت تطرب مع البوح


......

اهـواك واحبك واداريك وافديك
وافديك واحبك واداريك واهواك

لخبطت تفكيري عسى الله يخلیك
وخليتني اعيد شطري بسواياك


......

المحبَه أنت وأنت الغير عادي
‏من عرفتك والمشاعر مستقرّه

‏يبتسم يومي و يطرب بك فؤادي
‏راحتي برضاك حلّت كل مُرّه

‏هاك قلبي وهاك عين وهاك غادي
‏دلّه لدربك وخذ خيره و شرّه

‏وش أبي بوجيه خلق الله و أنادي
‏وجهك الله خالقه طيب و مسرّه

......

بين تلع الرقاب وبين سود الجدايل
طال سقمي وانا اشري علتي من معاشي

ياقطار الهوى ماعاد ابي لك جمايل
لاتجيني وانا في كل الاحوال ماشي

تبت عن كل بيضاء من بنات الحمايل
وهمت في حب سمراء من بلاد النجاشي

ماتبي لي قصيد ولا تبي لي رسايل
بس انا مقدر اخفي لهفتي واندهاشي

......

شخصيتي ماتقدر توثقها
لا تشغل افكارك وترهقها

ياسيف انا والله مدري لكن
بعطيك فكرة وعقبها نسقها

شخصيتي فيها كذا شخصية
اشكال منكرها ولا احققها

عالم من الفوضة تنام وتصحى
عجلة وشمسه والصلف لاحقها


......

اعلان للي ما بعد جرب الحب
يسلك طريق الحب بس بشجاعه

فيه الوفا والغدر والصدق والكذب
وفيه الفراق وفيه شوق اجتماعه

حظك على حظك تشجع وجرب
ان صبت والا غير تاخذ مناعه


......