اخترنا لكم

يافالق البحر عن موسى عليك اعتمادي
ادعيك بصفاتك العليا والاسماء العظيمه

بدون حولك وطولك ما اقدر ابلغ مرادي
متفائل بخير وعنايتك دايم كريمه

آمين

ليا قام منسوب الغرام القديم يزيد
ويسحب شريط الذكريات الغراميّه

وينقى من ألبوم الصور نقو بالتحديد
ويختار من صدر المزايين فرديّه

في هالحاله أخرج من محيطي وأروح بعيد
وأسافر على طلعات ناسا الفضائيه

إلى عالمٍ عايشته وعشت فيه سعيد
وقلبٍ دخلته دخلتن غير عاديّه

مطلق العتيبي

تراك اللي بقى لي لا تخليني وأنا ملهـوف
غيابك يفجع القلب الشقي وإفراقك مصيبه

معي قلبً شقي عارضه هم وعنا وصدوف
وميلات الزمان الصلف تومي به وتقفي به

.....

أنا الذي لأجلك نشرت الشعر فأمواج الأثير
وأبدعت فالريحاني وفالأبجدي والدرسعي

.....

صقـار قلـبي والـمشـاعر دلـيـله
وشيهانتي صادت مشاعر خفوقي

ام الـعيـون الذابـلات الكـحـيـله
اللي لها بالــقلب تـنبض عروقي

هدت على صدري هلال الجذيله
ثم علقت لب الحدق منه موقي

جابت خوافي كليب عين الجليله
وقت الهدد قبل اختلاط الشروقي

رذاذ الحبر

‏زيّن امورك مع ربي امورك تزين
‏والله لا من رجاه العبد ماخيّبه

‏والناس يكسب وداد قلوبها حاجتين
‏النيّه الصافيه والكلمه الطيّبه

.....

حفظت سرّك مثل حفظي لمبداي
وحفظي لـ سلم أجدادنا الاوليني

والأربع اللي دونها ما اقبل الراي
حبّك ومرجلتي وداري وديني

.....

مابغيت الشعر والشعر ابتلاني
كلما صديت لزّمني خطامه

شاعرٍ مرهي وخادمني لساني
مستعد احط هامه فوق هامه

ان مدحت ارفع على سهيل اليماني
وان هجيت ادفن تحت ساحل تهامه

.....

الحاجه اللي ماتجينا على الكيف
عسى عوضها دعوّةٍ مستجابه

آمين

‏حافظ على المصحف و 5 الصلاوات
‏مع الجماعه واطلب الله سماحه

‏واتعب لطاعة ربك بكل الاوقات
‏لان التعب في طاعة الله راحه

‏لا تقضي ايام الشهر فالملذات
‏مابين ملعب طائره واستراحه

.....