فوق هام السحب ( الشعر الشعبي) على متن القوافي

ودي ألبي كل مطلوب غالي
وتردني حاجه عن مواكب الجيل

شعر الغزل في الغيد ماله مجالي
ولا اني حريص انشر قصايده بالحيل

يمكني اوصف لكم من خيالي
وسرد لكم وصفي بدق التفاصيل

اما حبيبة قلبي وراس مالي
والله ما عرض وصفها للرياجيل


......

لو إن الزمن قادر يرجعك بين يدي
من يرجعك في نظرتي مثل ما كنتي

مع إنك تركتي عاشقك في دروب الغي
وفي عينه الايام شانت ولا شنتي

من المستحيل يحول عن ذكرياتك شي
لو يحول من دون اللقاء حاجز اسمنتي

يروحون كل الناس مني شوي شوي
ولا فيه أحد يبقى على البال غير أنتي


......

أعتبرني ليا من ضاق صدرك : مكان
فدوتك لو بكيت الليلة بـ طولها

أعتبرني حضن لامن فقدت الحنان
خل سِحبْ الهموم تصّب هملولها

أعتبرني ملاذ تحّس قربه بـ أمان
وأيّ كلمة تخاف تقولها ؟ قولها

أعتبرني شعور وفاقده من زمان
وجاء يلبّي نداء عينك ومرسولها


......

انت مجرم حب ما من هواك الا العذاب
‏كل مجرم يكرهونه يا كون انت محبوب

‏زينك الفتان عيّا يغطيه الحجاب
‏وهرجك المعسول عيا يخلينا نتوب

‏ويشني وياك ‌لا⁩ زاد عندي الالتهاب
‏‌لا⁩ ‌تعالجني⁩ ‌بطب⁩ ‌الدكاتر⁩ والحبوب


......

تغريني البسمه على وجهك الزين
‏مثل مايغريني المطر في بلادي

‏ياللي لك الدنيا على ماتحبين
‏حبيني وخلي المبادي مبادي

‏سلهامة عيونك لو انك تشوفين
‏قامت تغربي مع كل وادي

‏احب وجهك من ضميري وتدرين
‏اني ليا حبيت مانيب عادي


......

أنتي خلقـتي للجواهر دعايات
‏ ياللي جمالك مابه إنسان قـده

‏أبيض نحر وعيون كنـهن وسامـات
‏ وإلا القـمر زعلان من نور خـده

‏والصـوت ياجعله فدى كل الأصـوات
‏لا واهني الحرف لا منه مـده


......

‏احدٍ على شانه تجوز المشاريه
‏و أحدٍ تعدا بالخطايا حدوده

‏من لا يعزّك ، لا تعزّه و تغليه
‏ومن لا رفع قدرك تجاهل وجوده


......

‏ماكان هذا العشم يانصفي الثاني
‏شلون تصدمني بظنك وتفكيرك

‏في جرح قلبي وتعذيبي وحرماني
‏طالت معاناتي وطالت مشاويرك

‏تطري على البال وتحاصرني احزاني
‏واقول . . ياليتها من واحدٍ غيرك

‏ياغلطة العمر وين القى عمر ثاني
‏وجروحي اكبر من اعذراك وتبريرك


......

‏ٰهو الله عطاه الصبر عنّي وأنا والله
‏ما اخلي جدارٍ ما اتلوى بـ زاويته

‏عسى الله يبرّي ذمتي من خطا فرقاه
‏كثر ما انتظرته فالدروب وتحرّيته

‏
مطلق بْن شويّه

‏احيان وقفة بنت بمفردها بظروفك تغنيك عن وقفة أشباه الرجال تسندك وقت ضعفك وحاجتك واحياناً حتى بحزنك

‏يقول حامد زيد:
‏بنتٍ ليا منك وقعت تشيلك من القاع شيل
‏أبرك من وجيه الرجال اللي لْيا طحت جفلت

‏يقول بندر الدويش:
‏يوم حدّته اللّيالي ومسته الظروف
‏صدوا أشباه الرياجيل وانقذته مره