اخترنا لكم

أكتب إحساسي وأغنّي على كل الحروف
وأنثر إحساسـي على بحـر حبّك أكتبَه

مرحبا بك يا هلا بك ملايين وألـوف
العيون تشوف حرفك وعشقك ما أعذبَه

.....

وارثين الشعر من سطوه عتيبه
خل عنك شعار الصبايا والمنابر

نحسب حساب القصيداللي نجيبه
ماتعودنا نسرق قصيد وخواطر

وان كتبت الشعر ماهي علي غريبه
قبلي ابوي شاعر وجدي كان شاعر

مطلق العتيبي

ألا يا الله إني طالبٍ طاعتك ورضاك
وعلمٍ ليا ذكروا هل الخير نذكر به

أنا في رجى عطفك و أنا ملتجي بحماك
تفرج هموم القلب يافارج الكربه

آمين

‏اللي يتابعنا على الراس من فوق
عسى ف صفحتنا من الشعر مسرور

واللي يصد عنا له الشكر مرفوق
حضوره يشرف ولو غاب معذور

بقلمي

‏وش حيلةالمشتاق لا اخفى اشتياقه
في قلبه الهايم تعابير وشعور

لاطايق صبره ولا البعد طاقه
قسى عليه الوقت ويظل مجبور

.....

أترك أثر طيب تسولف به الناس
‏الصيت يغني والجمايل خزاين

.....

‏حقرتني بالعيون وكان من الاولى
‏يبيـن ف عيونـك الثنتين تقديـري

‏يليت عينك نهار موادعك حولـى
‏حتى اشك انك توادع حدن غيري

.....

‏كل ما طاح من رزنامة العمر ليلة
‏طاح معها من الذكرى تفاصيل غالي

.....

‏ليه جيت وليه رحت وليه تبقى غالي
‏كل ليه أشوفها تحتاج منك قصه
‏
‏ليت بالي في يديني وابعدك عن بالي
‏العذاب اللي حصل منك يكفي نصه

.....

‏يا ضايق الصدر بالله وسع الخاطر
‏دنياك يا زين ما تستاهل الضيقه

‏الله على ما يفرج كربتك قادر
‏والله له الحكم في دبرة مخاليقه

‏حلو العيون استهانت دمعها الحادر
‏كف العباير حزين الدمع ما طيقه

‏حسايف الحزن يغشى وجهك الطاهر
‏والورد في وجنتك حرام تغريقه

.....