اخترنا لكم

يــــالعزيز اللي مانعبد ولا نحمد سواك
نفسي اشملها بــــرحمتك واغفـــر ذنّبها

كـــل مـــايذبحني الهــم يحييني رجاك
اشكي اللي تجهل الناس وانت اعلم بها

جعلني من سّو الاقدار دايــم في حماك
وجعل عمدان الهقــــاوي مايِقطع طنبها

انت ملجـــا كـل خايف وميقن كل شاك
وكـــــل نفسٍ ندري ان ذنبهـا في جنّبها

آمين

أعامــــل الناس بأسلــوبي وأخلاقي
والناس بأسلوبهــــا تعرف معادنهـــا

وسلم على المحترم بأسلوبه الراقي
وجنب عن الي علومــــه مـــا يثمنها

.....

عــندي عــلى مبــداي خط وعلامـات
حافظه على حقوقي مثل حق العباده

والـي يــدور فـــي طــريقـي هــفـوات
يبــطي علـــى شـــرواه يحصل مــَراده

.....

أمشي مع العربان كنّي بليا قلب
أجلس وأجامل والبلا في ضلوعي

.....

أنا ما لقيت ألذ من ردة المعروف
‏على واحد وقف معك يوم تحتاجه

‏وجت له ظروف وكل رجلٍ تجيه ظروف
‏وضاقت عليه وجا على يدك مخراجه

‏شيهانه السبيعي

‏من لايعيش العمر سامي ومتغاضي
‏ماهيب دايم ضروف الوقت خادمته

‏كنز القناعه غنـاة النفس للراضي
‏يعيش دنياه فـاهمها وفاهمته

.....

مكاسب الدنيا حظوظ وتوافيق
‏وحكم القدر كل البشر يجهلونــه

‏والرزق لا ساقــه ولي المخاليق
‏ماحد قدر ياقف من الناس دونــه

.....

طبعي تغيّر وصرت الساكت الهادي
‏من جاني رحَّبت به ومن راح ودعتہ

.....

قالو لي هالدنيا ذهب أطمـــــع شوي
ياليتهــــم يـــدرون قلبي من الماس

نفسي ثمينه دامــــني بالزمــــن حي
قل للرخيص الغصن مايشكي الفأس

أنا الشموخ إللي مــن وقوفي الفّـــي
وأنا البسيط إللـي يبكيـــه الاحساس

ما أحتجت في الدنيا وإذا أحتجت لي شي
محتاج ربي ماني محتـــــاج للناس

.....

اللي شريت البعد ما غاب طاريك
حتى لو ان البعد سوى سواته

مهوب محزني على حاجةٍ فيك
إلا إن قلبي شايفٍ بك غناته

.....