اخترنا لكم

‏عجبت للعالم وأولهم أنا
ما ينزلون من الأهم إلى المهم

يدلّعون أسماءنا وهي لنا
و يجرّحون قلوبنا وهي لهم

.....

من جرحنا نعذره ونصد عنه
ما نضيع وقتنا في شي فاضي

.....

‏الشعر مثل الكيف دله وفنجال
يا سايق الفنجال لا عاد تملاه

ماكل ما يخطر على البال ينقال
ولا كل شعر يبيض الوجه معناه

.....

محسُـوبه علينا أعمـارنا بالثواني
‏كل لحظة تهيّا لك من العمر عشها

‏اركض برغبه وحب وطموح وتفاني
‏شينها لا قضيت العمر من دون مَشهى

.....

لامرت الذكرى على شخص موجوع
‏كل الــــحروف تموت داخل خفوقه

‏لاتشره ان هلّت من عيونه دموع
‏معروف دمعات المفارق سبوقه

.....

‏كذاب من قال الصور تطفي الشوق
وصـورتك زادتني حنين وندامه

صورتك ملح وخاطري كله حروق
وشلون اعـانق صورتك بابتـسامه

.....

‏أنا اشهد ان الـذوق معروف راعيهَ
وانا اشهد ان الزين يغري حضـورهَ

طاريك عنــدي كنه العطــــر لافاح
يا بدر فـــي كبد السمـاء شـع نورهَ

.....

اشتقتلك ياماضي الأمس وين انت
اشتقتلك ياكل نبضي ووجودي

اشتقتلك ياشمعة البيت لاهنت
اشتقتلك والقلب يحلم تعودي

.....

‏يارب يسّــرها على كـل ضــايق
وارفع ستار الهم عن كل محزون

لو كان في درب السعاده عوايق
تهون مع رحمتك يا خالق الكون

آمين

الشيء لا طال الرجا فيه ينعاف
‏تضيع حتى قيمته لو تحقق

.....