اخترنا لكم

يهب برد الوداع بليلة المسرى
‏تقفي بوشاح الدفا وتجرّد اضلاعي

‏ويلوح طيفك حنين بسكة الذكرى
‏يحرث بقايا سهر ويجدد اوجاعي

.....

‏تبَسَّمْ وابذُلِ المعروفَ دومًا
وكن سمْحًا بما فيه الكــــفايةْ

جَمالُ الشكلِ مطلوبٌ ولكن
جَمـالُ الروح أولـى بالعنايـــة

.....

رافق ولكـن لا توافـق على خمـس
لو يطلـبونك صحـبتك لا توافـق

فاسد وراعي بخل والمزعج العمس
ومعهم رفيق المصلحه والمنافق

.....

الله اكبر عد همال السحابه
واحمده حمد التقاه الشاكرينا

خالق الانسان محصي له كتابه
مجري الافلاك رب العالمينا

لا شريك له ولا ند مشابه
المدبر والمصرف والمعينا

من رفع كفه ميقن بالاجابه
اكرمه واغناه مغن السائلينا

.....

ياليت لي قدره على رد الاصوات
اللي علي اصحابها مايردون
ㅤㅤ
اللي مع دروب السفر راحو افوات
في رحلة ركابها مايعودون
ㅤㅤ
ياما خذينا معهم ايام حلوات
نلهي وهم ماعندهم وقت يلهــون
ㅤㅤ
نذكر محاسنهم وهم صاروا اموات
وننسى محاسنهم قبل مايموتون

.....

هي اربع اشياء اللي تشرح الخاطر
‏الورد والغيم والأمطار والقهوه

.....

عليك الغلا مردود يالغايب الموجود
سوالفك غابت مير طواريك ماغابت

غيابك حضورٍ له بصدر البيوت شهود
وش اللّي يغيب ضحكتك والغلا ثابت

أحنك مثل ما أحن وجهي من المنقود
وأعدك ليا عديت الأيام وش جابت

.....

‏على رغم غيبته ما كنت ناسيه
كنت أتحرى طلته وأحتفي به

وشلون أعالج جرح قلبي وأداويه
لا صار قلبي منجرح من طبيبه

.....

‏كون واضح بالتعامل ما أحب إلا الوضوح
يا وصل يرضي مقامي يا جفا تُحشم معاه

كل قلبً منت قادر تسّعده خلّه و روح
يمكن إنّه في حياة الغيـر يلقى له حياه

.....

أشوف السحابه وأتذكر عيون الحر
تذكرني الامطار بالجرح والجارح

هذا الجو ماهو جو كشته وطلعة بر
هذا الجو جو مشابك يدين ومصارح

.....