فوق هام السحب ( الشعر الشعبي) على متن القوافي

فيني عتب ماله وسط صدري مكان
ضاقت .. به ضلوعي .. ولازم اقوله

هو صدق فيه إنسان يجرح له إنسان
وبكل ...ظلم .. يعد جرحه ...بطوله

وساعه دفنت الجرح والحزن بي بان
غنى لهم حزني.. وهم .... صفقوا له

......

‏اللي علي الاجتهاد .. أما القبول
سبحان من يهب القبول لمن يشاء

لقيت في صمتي مفاتيح القفول
يوم ابتسم فالجهر و أحزن فالخفاء

مع احترامي للمشاعر عرض وطول
مافيه أجمــل من شعـور الإكتفاء

......

يقول المثل من جا بليا عزيمة
اليا ضواه الليل يرقد بلا فراش

ومن باع قلبه ماطلب فيه قيمه
يستاهل اللّي يرخص النفس ببلاش

ويامساير العالم بنيّه سليمه
لابد تنشب بين خاين وغشاش

......

‏بين تأكيدي وما بين إحتمالي
‏كم كشفت أشياء ماحب اكتشفها
‏
‏الأمور اللي تنقص قدر غالي
‏والله إن ودي آموت ولا أعرفها

......

ياصاحبي ماعاد بالخاطر أحلام
لا الروح مرتاحه ولا القلب هادي

من كثر ماجارت بنا ظروف الأيام
صرنا نرى صدماتنا شيء عادي

......

اخـذ النصيحة لا تخلي صلاتك
احـرص عليها قبل ينقال مرحوم

اجمع حصيلك قبل موعد مماتك
الموت لا من جاك ماعاد لك يـوم


......

أحذر من اللي يذكرك لا شافك
وينساك لامن عنك صدّت عينه

وأحرص على اللي لا أنكسر مجدافك
لو هو من أقصى الناس مدّ يمينه

......

‏بـكره نعيش الفرح بكره تطيب الجـروح
بكره نـرد الزمـان اللي يـلم الشـمل

قبـل يموت الأمل إسـقه شويـة طموح
وقبل يموت الطموح إسقه شوية امل

......

ياعاشق الليل وش خليت لعيوني
لو هامت بليل تنشد نظرة عيونك

ماهي عداله بحب اثنين مفتوني
امّا انا او سمو الليل ~~ مفتونك

......

‏الحنين لا يمتلك اجنحه
لكنه لأيؤمن بقانون المسافات

حبك تعدى حب كل المخاليق
حتى غديت انت الاهل والقرابه

......