فوق هام السحب ( الشعر الشعبي) على متن القوافي

يسعد مساگ بگل ساعـه سعيدهـ
ويسعد مساء قلبً بحبگ مليتيه

يالنـادرهـ يالفــارقـه يالفـــريـــدهـ
بعْـدّ غيـابگ. قلب حـرفي ذبحتيه

عودي وردي بالبيوت الجـــديـدهـ
طول اغيابگ جعـل مابـاس ياهيه

......

‏أعيش بالفوضويه ماعرفت النظام
‏مؤمن وأعرف النهايه بين قبر ولحد

‏أقول أموري تمام .. وكل شي تمام
‏لو أن سيوف القدر قدام عيني تحد

‏أخذت من تجربة الأيام زبدة كلام
‏أليا تحدتك ميلات الليالي تحد

‏أما تعلويت في الأمجاد ذروة سنام
‏ولا توفيت .. والدنيا ما قرت لحد

......

لا صرت متعافي ولابك عذاريب
‏ والروح ماتشكي عوارض جسدها

‏ اسجد لواحد يعلم السر والغيب
‏ تراك في نعمة وغيرك فقدها

بقلمي

في طبعها رقّة .. و ودّ وتآلف
وفي صوتها ، حلم وهدوء وسكينة

تسكت إلين يبين شوق السوالف
واليا حكت حسّ السّكوت بـ غبينة

......

‏الا ياقمر ذكرتني بواحدٍ مغليه
بعد ما اكتملت وشفت نورك تذكّرته

اشوفه تجلى فيك وان غبت اشوفك فيه
عسى الله يصبر خافقٍ عنه صبرته

......

مع غيرك أنت ما تطيب السواليف
يــاللي على قلبي مزوحـك خفيفه

قصة غلاك تشرف القلب ‌تشــريف
سيرة غــلآ بيـــن القلـوب النـظيـفه

......

‏ما عندي الا جسد ربي نفخ فيه روح
‏ماهمه يحاسب العالم ولا تحاسبه

‏انا صديق الوفا وانا صديق الوضوح
‏اللي معاها كثير من البشر .. راسبه

‏ما كل من شافني شفته بـ عين الطموح
‏احساس الانسان ماهو بـ آلةٍ حاسبه

‏ما بين ناسٍ تجي ومابين ناسٍ تروح
‏ما كل واحد .. يناسبني لو اناسبه

......

الحنين الصدق ماهو عشان الراحلين
( نعمة النسيان ) ما ينجحد معروفها

والله انّ اشد واقسى محطات الحنين
حاجةٍ ماهيب في يدك بس اتشوفها

......

العين ياعين الغلا عافت النوم
و البعد يابعد العنا هو سببها

و الشوق يذبحني ولا عاد لي لوم
ليتك معي يا نار شوقي و حطبها

......

‏العام كنت احسب اني عارف الوضع زين
‏واليوم اسف من العالم وصدماتهم

‏تطوّر الوضـع والرّديان متطوريـن
‏حتـى ابليس يتعـوّذ من حركاتهم

......