اخترنا لكم

إزعل على كيفك مثل ماتبي وأرض
واخذ بدال العام عشرين عامي

لاقامت الساعه ولا ضاقت الارض
ومانيب لا جايع ولانيب ضامي

لاتحسبّنك مصدر الرزق والقرض
ومن دونك اركاب المعيشه حيامي

ومواصلك لا هوب سنّه ولا فرض
ومواجهك ماهوب كل إهتمامي

.....

تمنيت شي وقدر اللّه شي وصار
ولا لي سوى وجه الرضى لو تصنعته

.....

انا هقيت ان راحة العبد فيما اختار
واثر خيرة المولى لعبده مسنعته

.....

تبون الصراحة والله اني بغيت انهار
ضروف الحياة اقسى من اللي توقعته

.....

الله عليهـا يـوم تمشـي وتختـال
ماكنهـا إلا بالـف ليـلـه وليـلـه

تمشي تحط امثـال وتبـدل امثـال
وتعيـد ترتيـب الزمـن والجميلـه

يدها على يدها ونوبً علـى الشـال
من خوف لايصقط ويظهـر جديلـه

يوم اقبلت كن القمر ضايـعً ضـال
خل الفضا واصبـح يـدوّر دليلـه

اميره اميـره وانـا اقـول مايقـال
النـاس تشـهـد والاوادم كفيـلـه

يمثـل الزينيـن ويقـود الاجـيـال
ومواصفاتـه فالبـشـر مستحيـلـه

يمشي شوي شوي ومطـوّل البـال
وزودً علـى ذلـك طويلـه طويلـه

عينه تعزّ رجـال وتطمّـن رجـال
وياسعد من صارت بحظـه حليلـه

اليا نظر كنّك علـى جبهـة قتـال
والله واكبـر يالرمـوش الظليـلـه

واليا ارتبك في نظرتـه خايـفً ذال
للمووت بعيونـه وامـووت بسبيلـه

واليا التفت فرحان يوم الخطـر زال
بضـرب تحيـه للعيـون الكحيلـه

وإن سلهمت بعيونها كيف الاحوال
ضاعت علومي والمواقـف جليلـه

عيونهـا تجـرح وتشفـي وتغتـال
وفـي حقهـا كـل القصايـد قليلـه

والمبسم المبسم غدا نجـوم وهـلال
النجـم يكشـف والهـلال يعديـلـه

والياضحك تنبت على الارض الامال
واليازعـل تغـزي قبيلـه قبيـلـه

وفي بسمته يقهر ويسعـد ويحتـال
والياانتقـم يضحـك ويبـرد غليلـه

وبالراي والحكمة لها قـول وافعـال
واللـي محببنـي ثقيـلـه ثقيـلـه

ماهزها التاريخ يوم الزمـن عـال
لا زال يعطـي والنصايـح جزيلـه

في حضرته عشنا سواليف الابطـال
عز الزمان ويـوم وقـت الاصيلـه

طيفه يلاحقنـي مسافـات واميـال
وذكراه تلعب فـي لعـب الكحيلـه

واليوم ابا اكتبهـا واوثـق للأجيـال
فـي ذمتـي ماجـا ولاجـا بجيلـه

.....

يا جعلني ما اذوق ﺣﺰﻧــﻚ وفرقـاك
‏يا مسندي يا محزمــــي يا عضيدي

‏تضيع صدقـــان الرخــا لكن ألقـــاك
‏في شدتي مثل الذهب في رصيدي

.....

أنت يا حلو الملامح ويا حلو الصفات
جلّ شان اللّي من الزين معطيك رهوه

يا محاصرني بذكرك من الأربع جهات
ما تركت لساحة البال سجه و لهوه

أرتبط وجهك مع الورد و الماء والنبات
وأرتبط طاريك مع كلّ فنجال قهوه

.....

سقى الله يوم القلب خالي وحنا صغار
ماندري عـن الدنيا ونجهل بلاويها

.....

‏الله الله يالدروب المستقيمة
كيف أجادل واحدٍ ماهوب قدّي

شرهة العاقل على النفس الكريمة
وأحتفظ بالرد في مزحي وجدّي

يفرح الجاهل ويحسبها هزيمة
مادرى عيني لمثله ما تلدّي

صدّتي عن بعض خلق الله غنيمة
ما يوالف قلبي القلب المصدّي

.....

يا مساء الكيف والبن النظيف
‏نسكبه للي لهم قدر وغلا

‏ندري أن الكيف ما يكمل بكيف
‏إلا إذا حطوا مع القهوة حلا ☕🍰

.....