فوق هام السحب ( الشعر الشعبي) على متن القوافي

‏من ذاق حبك ياغلا الروح ماتاب
‏يبقي سنين العمر لاهي وعاصي
‏
‏وعن حب غيرك قافل كل الابواب
‏يذوب في حبك بنوع اختصاصي

......

يا صمت حكمك بعض الأحيان قاسي
حرام تمنعني ...عن البوح يا صمت

كم جتني الفرصه عدد شعر راسي
ويا للأسف فاتت علي ما تكلمت

......

فبُعدٌ ووجدٌ واشتياقٌ ولوعَـةٌ
‏فلا أنتِ تُدنيني ولا أنا أقربُ

كَعُصفورَةٍ في كَفِّ طِفلٍ يَزُمُّها
تَذوقُ حِياضَ المَوتِ وَالطِفلُ يَلعَبُ

فَلا الطِفلُ ذو عَقلٍ يَرِقُّ لِما بِها
وَلا الطَيرُ ذو ريشٍ يَطيرُ فَيَذهَبُ

......

من قال لك بن اعذب الشعر اكذبه
ومن قال لك بن اصدق الشعر اعذبه

مخطي واخذها من شعر ينطق شعر
وكل البحور الهايجه ما تتعبه

العمر فان و كل حاجه فـانيه
والوقت داير والـلـيالي مــرعبه

محدن يعرف اللي يجي له فالزمن
وما تضمن الدنيا لك اللي تطلبه

لو كـل هالدنيا شواعير وادب
ما يكسب الحطاب غير اللي احطبه

في كل يوم ٍ نـكتشف عشر شعرا
واحد كفو والباقي بالطوف اضربه

مثل البضاعه لا كـثروا تـجارها
ما عاد تـنتج كسب للي يكسبه

السوق يبلش والـبضايع فاسده
واللي فسد يا كثر ناس ٍ تجلبه

ياساحة الشعار ذا عـصر الجهل
يا كاتب التقليد لـــــك لا تنسبه

كله مكرر والفكر مـثل الفكر
ذي حالة الساحات واللي تنجبه

ياصاحبي والشعر في حالــة رثاء
رح للقمر تكفى حبيبي و اسحبه

مـنـزالـنـا بـيـن الـثـريـا والقمر
لنا النجم يصنع بنوره مركبه

عطني من اعذب ريق يانبع الوفا
من كأس حبك وسط هالكأس اسكبه

وخل العواذل والشعر واهل الشعر
علوم شعار الزمن ذا متعبه

من قال لك من قال لك من قال لك
رح قول له بـأن اعذب الشعر اعذبه


......

السنين القشر تخلف هقاوي من هقا
والدهر مركز تجارب وميدانٍ فسيح

وش بقا ما علمتنا التجارب وش بقا
كل يوم درس بأسلوب ولسانٍ فصيح

ياهل المعروف كل شقا باللي لقا
والحظيظ اللي من الهم قلبه مستريح

الشقاوي في زمانه يهيا للشقا
واشهد أنه ما يجي من المليح إلا المليح

بين لحظات المفارق ولحظات اللقا
تتضح لك صورة الود بالمعنى الصحيح

زبدة الخافي تبين ليا خض السقا
والصدور اللي بها شر يفضحها الكحيح

وصحبة ماهي بتبنا على عز ونقا
اخرتها لو تطول مبانيها تطيح

لو تشوف اصحابها قدم الأنظار أصدقا
مثل ما قال المثل ما يصح ألا الصحيح

كل صحبة تم ميثاق أهلها في التقا
الحذر منها ترى وضعها ماهو مريح

والموفق من تخير صديقه والتقا
صاحبٍ قلبه سليم ومنهاجه سميح

لعنبو من يتخذ من الرديين ارفقا
والله أن يبطي وهو من صداقتهم جريح

من بغى حاجةٍ على منبر افؤادك رقا
قص لك قصة اسماعيل والكبش الذبيح

لين ياخذ من دموعك لغاياته وقا
ثم قفا بعدها عنك وأركابه طفيح

وش لقا من رافق أهل الخيانه وش لقا
واحداً يمشي على ساق والثاني طريح

الخيانه شر مبدأ يحاربه التقا
لا على ملة محمد ولا دين المسيح


......

مشكلتي إني ماعرفت أحسب لصدتهم حساب
قلطتهم صدري علـى ذكـري قصيـد وحنجـره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبـره

مافيه دمع ٍ صوبوه أحبابي بوجهي وخـاب
ولازرق حزنـي علـى غالـي ولافـج انحـره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق عديت من فوق السحاب
لأن أكثر أصحابي ورق..ماشفت للطيـب إثمـره

والله ماحطيت بين الحقد والخوه حجاب
حتى غدوا ربعـي يحدونـي علـى الضيـق أشكـره

أثر المصايب ماتجيك إلا من الناس القراب
وبهالزمن حتى الخـوي اللـي تثـق فيـه أحـذره

لابارك الله في رفيـق ٍ تزعلـه كلمـة عتـاب
ولاجمـع الله الرجـال اللـي تفرقهـم مـره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللـي بأهجـره

من يفتح لفرقـاي بـاب أفـك لـه عشريـن بـاب
وأذا خويـي مايقـدر خوتـي ماأقـدره

عقب أكتئاب البارحه ماعاد انا حمل إكتئاب
الطيب جرجرني وانـا مانـي بناقـص جرجـره

اللي يخاف من الظما يترك لنا طرد السراب
واللي ماهـو بقـد الظـلام ووحشتـه لايسهـره

انا تجرعت الظما لين أحترق وجهي وذاب
انـا كسـرت بخاطـري قبـل الصداقـه تكسـره

انا أكثر (أنسان) تعلم من كثر ماأخطأ وصاب
انا أخر (لسـان) يتكلـم فـي زمـان الثرثـره

جفني وجرّحه السهر ، حيلي وهدّت الصعاب
دمعي هدر،ضحكي ندر،عمري وضيعت أكثـره

شيبت بعقول العرب..هيبت روس ٍ ماتهاب
جمهـرت نـاس عمرهـم مايعرفـون الجمهـره

ماصرت ذيب إلا لأن اللي تحدوني ذيـاب
مـا كنـت أغيـب إلا لأن العفـو عنـد المقـدره

ترى حلاتك لاحملت لصاحبـك كلمـة عتـاب
أن مانطقـت بهـا بوجهـه ماتذمـه بظهـره

ودك اليامن جاتك الغلطه من الناس القـراب
الصاحـب اللـي ماكسبـت محبتـه ماتخسـره


......

انا يازماني في فوادي ثـلاث اطعـون
ولاهي بطعنه من سيـوف وسكاكينـي

من افتح ياسمسم والا يافلم ابو كرتون
امورن تغث اكبود حتـى الوراعينـي

وجمهوري الغالي يسوق الشره ويمون
ونا قد شرهات العتـب مـن محبينـي

يقولون ماشاركت واقول هل توحـون
ابي كل واحد يفتـح اذنـه ويوحينـي

لابالله ماشاركت في شاعـر المليـون
لواني على المليون تومـي شرايينـي

ولكن انا مانـي بخبـلٍ ولا مجنـون
اجي وقطع ارزاق الضعوف المساكيني

ولامرّ وادها اني علي للرجال اديـون
ومليـون واحـد مايسـدد دياييـنـي

الاياحمام الورق يااللي تجـر الحـون
تغانم زمانك بيـن خضـر البساتينـي

تراها لا ركبت كل جمره على الغليون
وراد الله انه يصفي الماء من الطينـي

حشرنا الضباء بقرون والابدون اقرون
اقرون الظبي تصلى على النار وتليني

مثل ماوطى هامان والاوطى فرعـون
ثياب الشرف ماتستـر الا الشريفينـي

يا الاجواد مدت للمواهب اكفوف العون
وهاذي صفاتٍ من صفات الكريمينـي

والاقزام تهدم كل ماأهل الكرم يبنـون
اصروحٍ من الامجاد ماهي من الطيني

بنتها الكفوف اللي كرمها سحاب امزون
ارموز البطوله نصرة الحق والدينـي

غضبهم وأنا سلطان يهتز منه الكـون
وكرمهم تربع فيـه حتـى البعارينـي

اجبالٍ قممها فوق والها حجا وركـون
اليا مر طاريها على الراس والعينـي

بطوله عربيـه وتاريخهـا مصيـون
عـن الاستهانـه باالقيـم والقوانينـي

واليامن لحقني من زماني جفا وغبـون
تذكرتهم ومسيـت فـي راس علّينـي

عساالله يهونها على الناس لين اتهـون
وتزين القرايه فـوق روس المجانينـي

اضعاف العقول اللي تهبد على مالـون
على كـل ملـواحٍ تهـز الجناحينـي

ماتنظف يديهم لو تغسل من الصابـون
كثر ماتقدمها علـى الزيـن والشينـي


......

عليك الفرج ياالله ياحي ياقيّوم
إلهٍ عباده كلها تلفت يمّه

الا يارفيقي والله انه عداك اللوم
انا اللي علي اللوم في ذمتي ذمه

ولكن سامحني ترى العلم فيه علوم
ولا يفرح اللي بيننا ينقل النمه

حصل ماحصل والعبد يصبر على المقسوم
يدور الزمان ويخلف العزم والهمه

طرات الرجل لا لحقه من الزمان هموم
ما يدري بسده كود خيرة بني عمه

وسيع البنايد في الشدايد قوي عزوم
لعظك زمانك شال همّك مع همّه

وانا والله اني ماتهنى بحلو النوم
ورفيقي عليه هموم الايام ملتمه

اشيل الحمل منه واحطّه علي واقوم
مقام يورد مظمي الما على الجمّه

لكن الزمان الشين ظالم وانا مظلوم
على الهون ياللي تمدح الوقت وتذمه

تهب الهبايب والسفن في البحور تعوم
وتقفي بها صلف الهبايب عن اليمه

هبوب تصلفقها وبحر وسما ونجوم
وموج تقفاه العواصيف وتزمه


......

الرفيـق اللـي لاغبـت مايحمـي قفـاي
اجل لامن صرت حاضر ماني في حاجته

احتمـي دوري ودور القبيلـه مـن وراي
جمـدوا هـرج الفراغـات ياهراجـتـه

كانها بمصامخ الـروس والا بـاي بـاي
خلـو الفلـم المدبلـج علـى دبلاجـتـه

طول عمري ماستمع من ضعيـف الـراي
راي ولاطمعت بديك خيبـر ولادجاجتـه

العداوه شي عـادي تجينـي مـن عـداي
من نسج نفس العـداوه عرفـت انساجتـه

وان كلاني مخلب من مخاليـب اصدقـاي
قلت ضاعت صيده في طـرف عجاجتـه

وان ثناهـا مـرت ثانيـه جعلـه افـداي
لامسـك كلـب الخواجـه كـلا خواجتـه

الارض ماهي ملك ابي والسما ماهي سماي
مير العوج لا اعترض لي عدلت اعواجتـه

افـرده وذوقـه لمستيـن مـن عصـاي
وادبـه تـاديـب طـفـل على دراجـتـه

لين ينسى عناد راسـه ويذكـر مستـواي
ينتبـه والا يسوهـج علـى سوهاجـتـه

في نظره الناس لون وهـو هـاي هـاي
والمـدوج مابعـد فـاق مـن دواجـتـه

ابك انا لو اشرب البحر مايقطـع ظمـاي
وانت مثل الضب يزحف تحـت عجاجتـه


سلطان الهاجري

يا طالب الشعر لى من حنّـت أفواجـه
إسمع كلام التجـارب عبـر الاعوامـي

من هاجسٍ مـا يخونـه فكـر نسّاجـه
إلى اشتغل مـا تلحّـق معـه الاقلامـي

الشعر هـرج ودليـل الهـرج هرّاجـه
والشعر حكمة ولـه قانـون وأحكامـي

والشعر طبّ وشفا لى من صفـا صاجـه
يا هيه يـا إلـي تميّـز جـودة الخامـي

ما يخلف أوصاف وجه الحـقّ دبلاجـه
واللوحة أسرارهـا مـن رأس رسامـي

معمـاريً يعتنـي بالبيـت وسيـاجـه
وتمدّه الموهبـة مـن وحـي الإلهامـي

أمّا طبيـبً يعـرف الجـرح وعلاجـه
وألا بلى وصفـة مـن عنـد حجّامـي

من وقع الأحداث صغت الدرس وإخراجه
مثايلًً مـا أخرجوهـا عبـر الافلامـي

ضمّنتهـا مفـردات الشعـر وأزواجـه
وأهديتها كـلّ مـن بعـدي وقدّامـي

فيها للأقدام مـا يغنـي عـن الداجـه
وفيها للألبـاب مـن آداب الإسلامـي

أشبع بِها عن مجـال السـرد وأهواجـه
وأثمغ بِها كـلّ جـرحً كالـي ودامـي

وألا رضاء الناس ما أحداً يدرك إدراجـه
لو يقسم الحقّ مـا يرضـون الاقسامـي

لكنّ أنا النـاس مالـي عندهـم حاجـه
أعيش وأموت سامي والهـدف سامـي

صحيح نمشي ولا نـدري وش نواجـه
لكنّ كـلّ الفخـر فـي درع وحزامـي

كم من مكـرّاً مفـرّاً حقّـق أفراجـه
على مراكب مِنـاوش حـدّ الإعدامـي

يوم إنّ أبا الهون أخذ بـشداده حداجـه
وش يعني الحال ممشىً عقـب درهامـي

يا ذيب ذيبـاً يناجيـك العـوا ناجـه
ما دمت عملاق وش هو كيد الاقزامـي

كلاً شرب من زلال الوقـت ورجاجـه
وإجابة الفرق فـي رعديـد وعصامـي

والرجل مرات يعشق موقـف إحراجـه
أمّا مـن أجـل الشـره وألا التغنّامـي

قـدام بهـو الحيـاة تقفّـل رتـاجـه
أضرب على المعتلـي يأتيـك متهامـي

الوقت ما كل يـومً يضحـك حجاجـه
وأحكام الاقدار ومضة شـذرة حسامـي

كم من دماغٍ عنيـدٍ قصّـت أوداجـه
في غفلـة منـه لا صلّـى ولا صامـي

والعاقـل يقيـس مدخالـه ومخراجـه
مـن شـان لا تجرفـه زلات ألأقدامـي

لأن الأقــدار غـلابـة وفـلاجــه
تضحك لك أحيان وأحياناً لك أخصامي

أيّـام وأيّـام ضحّـاكـة وغنّـاجـه
وأيّام مـا مـن وراهـا غيـر الآلامـي

فأصبر إلـى صـارت الأيّـام منعاجـه
وأشكر إلى الله وهب لك طيب الايّامـي

الصبر كم بـاب خيـرً حـلّ مزلاجـه
والشكر والذكر تضمن حفظ الانعامـي

والعمر لا تجهـل إنّـه ليـل وسراجـه
العلم والعلم نـور وعكسـه أضلامـي

والمجـد عالـي وكـلاً يعشـق أبراجـه
لكنّ ما الكلّ يشـرف روس الاهرامـي

من حقّق المجـد يستأهـل فخـر تاجـه
ومن أفلت الحبل يقعـد جايعـاً ضامـي

إنّ الفتى كان مـا يجنـي مـن إنتاجـه
لابو حيـاة مداهـا طـرد الاحلامـي

من لا يغوص البحـر ويلاطـم أمواجـه
ما يظهر الجوهرة مـن بحرهـا الطامـي

دام إنّ صدر الفضاء ما ضاقت فجاجـه
مـا يقبـل الهيّنـة مـن للعـلا رامـي

الخـدّ ميـدان والآفــاق منبـاجـه
والأجل مـا ينرمـا بـه والله الرامـي

والرجـل يبعـد نظـر عينـه لمنهاجـه
والحـرّ يبعـد مطاليعـه إلـى حامـي

ما بعد لطف الصبـاح وبـرد نجناجـه
إلا هجيـر النهـار الجائـر الحـامـي

والوقت سيلً يجـوح الأرض مرواجـه
يجتـاح الأعمـار والأفكـار نيّـامـي

يا سـرع مـا يدنـي الميعـاد دفلاجـه
إحسب حسابك ترا من طاح مـا قامـي

وإن شان وجه الزمان وجـفّ وجاجـه
لا تشتبه في نظـرك أعـلام وأعلامـي

المشرب العـذب نبـع الجـمّ هدّاجـه
يجلى صدا الكبد من عنّـات الاوهامـي

وألا إنّ بعض العـدود أثمـال وهماجـه
تمسي وتصبـح عليهـا وردك حيامـي


......