اخترنا لكم

في حفظ الله وين ماحلت خطاويك
استودعتك الله وانت اغلى وداعه

آمين

ولدنا من احداث الزمن بعد مولدنا
رضعنا من الشده كما يرضع المولود

كبرنا من الصدمات حتى تجسدنا
ومن مهدنا المحدود لامهد لامحدود

فقدنا الأمل واليأس من قبل يفقدنا
وجدنا التواجد قبل مانفقد الموجود

.....

اهـل المـعـارف تـمـيزهـم مـعارفـهم
ماهو على المظهـر الجـذاب والهيبه

والناس لـناس تكـشـفهم مواقفـهم
وكـل واحـد تـعــرف بـه اســاليبه

اخلاق الاشـخاص فالواقـع تصنفهم
حـسـب الفـعايل لكـل انـسان ترتيبه

بـه ناس مـن طيـبـهم لابد نألفــهم
نعتاد مـنهم سـمات الصدق والطيبه

.....

‏انطق بقول الحق والحق راحة
مافاد في العالم فنون التعامـل

جاملتهم قالوا وين الصراحة
صارحتهم قالو ماتعرف تجامل

.....

اضحك وابتسم لجميع المخاليق
وخلِ الأمل بين العيون وهدبها

دنياك ماتسوا يجي داخلك ضيق
وايامك الي مضت لاتحسبها

.....

بطلنا العتاب وتركنا اللي نسيناه
اللي خذلنا ما نبي نرجع نلومه

جرح الكلام أشدّ من طعن يمناه
واللي يبيع قلوبنا ما نعزّه ونقومه

.....

اذا بصرت الزمن قاسي والايام مر
والوقت لوّى حباله لا يصيبك فتور

اشمخ وقاوم وكافح وانتبه تنكسر
العائلة مرتكيه فيك بين الحضور

سعدالله الجوهري

‏القلــب لو يكتـب علـى بيـض الاوراق
كتــب علــى بيـض الدفاتـــر فديتك

جيتك غلا جيتك وفـاء جيتك اشواق
عفـت الخلايـق كـل ابوهـم وجيتك

يامن سكنت القلب واعماق الاعماق
وسكنت روحي وصـارت الروح بيتك

والله انـــي اعشقــك لاخـــر انطاق
واموت بك من حـب صادق فديتك

.....

أحذر عدوك وانتبه لو ضحك لك
تراه في قلبه يكن العداوه

لاتامنه لو قال مهما حلف لك
لو شفت بلسانه كثير الحلاوه

لو تطلبه في لازمٍ مالتفت لك
وان جيت يمه مالقيت الحفاوه

كم موقفٍ به خير دونه وقف لك
يبغاك دايم في طريق الشقاوه

.....

من لا يعيش العمر سامي ومتغاضي
ماهيب دايم ظروف الوقت خادمته

كنز القناعه غناة النفس للراضي
يعيش دنياه فاهمها وفاهمته

.....