فوق هام السحب ( الشعر الشعبي) على متن القوافي

الصدف ماتجمع اثنين لو دار الزمان
‏يكذبون اللي يقولون تجمعهم صدف
‏ ㅤㅤㅤㅤㅤㅤㅤㅤㅤㅤㅤㅤㅤㅤㅤㅤㅤ
‏كل يوم تمر رجلي على ذاك المكان
‏وانا مالي فيه حاجه ولاعندي هدف

......

انا ادري ان الضيق ماله مواثيق
ما توقف الأيام بـ اسباب ضيقة

تضيق ثم تضيق وتضيق وتضيق
لكن فرجها عند ربي بدقيقة

......

في عزة النفس خلك سيد الساده
‏وحاول تقيس المسافات* وتقربها
‏
‏خل الثقه واحترام* الذات لك عاده
‏ما تمشي الساعه الا با امر صاحبها

......

مكارم الناس بالأخلاق مذكوره
وبيض النوايا تبيض وجه راعيها

والكلمه الصادقه ! ماهيب مستوره
من بين الاجواد ماتقصر مساعيها

......

لا ، تندفع ترا الليالي محاميل
ولا تشتكي لو زاد همّك وميلك

سنّة بشر فيها العبر بالمكاييل
ليت السلامه تنشرا من جميلك

......

‏آخر قصيده يالغلا قلتها لك
وأحلا قصيده فالغزل قلتها فيك

آمري تدللي والقصايد حلا لك
دامه حلالك تاخذه دون ما اعطيك

انت الوحيد اللي بقلبي لحالك
ضمك ورى حدب الحنايا ومخفيك

......

كل مااقلت جملني شعوري بوصفك
اتفاجا بشيء ن فيك عذب وفريد

اجتمع فيك ذوقي والمزايا تزفك
لين صرت الهوا وانفاس نبض الوريد

......

أحقن الغيره وعـوّد صُبهـا
تطلع اللامشكله في المشكله

غيرة الأنثى تـزوّد حُبها
وغيرة الرجّال ممكن تقتله

......

شلني من بين عثرات البعاد
وارمني في وسط وصلك ياغلاي

خلني في نجل عينك والسواد
ظلني باهدابها صيف وشتاي

الليالي مكرمة عيني سهاد
وانت دون الناس غاية مبتغاي

......

العيون اوطاان والبسمة اثير
مجمل احلامي تباهت في سماك

من عرفتك وانت نهري والغدير
تشرب غصون المحبة من رباك

كل عمري انت فكري والمصير
والزهر ياخذ اريجة من شذااك

......