فوق هام السحب ( الشعر الشعبي) على متن القوافي

استراح الليل باحظان النسيم
وذابت نجومة على راحة يديك

ياحبيبي ايه احبك من قدييم
شفتني مسجون نظرة من عينيك

ضمني واجمعني بحظنك مقيم
والعواذل جعلهم نذرن عليك

......

احساسي لك و عروقي عروق
فيها بدال الدم الاحساس جاري

حتى بديت اشوفك بكل مخلوق
ويجتاحني طاريك مع كل طاري

بشر تراني ودي اغفى ولا افوق
وابيع لك عمري ليا صرت شاري

......

أنتِ بيوت القصيد بكل الأوزاني
بأسمك بيوت الشعر تكمل معانيها

وأنت أحساس الحنان بدم شرياني
تروي نبض القصـايد يوم أغنيـها

وأنت قصيدي وجمهوري وقيفاني
طاريك دافع لنبض الروح يحييها

......

لولا الضلوع اللي على القلب حرّاس
يمديه قلبي جاك من زايد الشوق

لا تحسب ان اللي يمنعه قوة وباس
لا والله إلا ضلع وشويّة عروق

اعيش بك مابين صدري والأنفاس
واموت بك مابين طعنات وجروح

واسج بك لو اني مع الخلق والناس
واهيم بك لو اني من البُعد مخنوق

......

كسر الخواطر ياغالي مالها جابر
و الاعذار ماهي تهون شي لو تقبل

يجيب الله بعد كسر الخواطر خير
كثر ماضاقت وقلنا عساها خيره..

كسر الجناح اكبر مصيبه على الطير
وعلى البشر ... ياقو كسر الخواطر

......

‏احرص على البسمه مع كل من جاك
‏واحرص على جبر الخواطر مع الغير

‏ترى الكرم في بذل ضحكة محياك
‏ألذ واجمل من عطاً فيه تكدير

‏ياصاحبي في بيت الاخلاق شباك
‏الى فتحته جاك خيرٍ ورا خير

......

ان كانت الفرقى تريح ضميرك
انا ضميري بالجفا كيف يرتاح

ماعاد لي رغبه على حب غيرك
حتى لو انه يملي ايامي افراح

كرمت ودمت وكثر الله خيرك
على كثر ما زدت في قلبي اجراح

......

‏شحت بك الدنيا وانا حيل محتاج
ودنيـاك ماتقـضي للاجـواد حـاجه

احتاج لك حاجة سجـينً للافــراج
اللي صــدر حكمـه وعـكر مــزاجه

واحتاج لك حاجة غريقً بالامواج
يرفع يـده والمــوج ضـيع خراجه

احتاج لك والموت من دونك احراج
دونك غيوم الوقت تصبح عجاجه

......

أخترت روحي في زحام العلاقات
وقويت مع روحي تفاصيل روحي

لا أحاتي الآتي و لا اندم على الفات
أتبع خرايط رسم ربي بـ لوحي

الوجه واحد ما اختلف بالتلفات
يشبه بصدقه و اعتباره وضوحي

ما عاد يغريني جمال البدايات
انا النهايات الجميله طموحي

......

فمان الله ياحبِ وقف ما كمل المشوار
عرفــنا مـفرق الدربين ما يحتاج تكميلة

بقت بـس المعزه بيننا مـا كـن شي صار
وصرنا اغراب عقب الود يادنيا من انتي له

فمـان الله ياقصـة غـرام اصبحـت تـذكار
صنعها الحب في لحظة ولا كمل تفاصيله

......