اخترنا لكم

ماعندنا في دروب الطيب غير الحزم
قصّر في ماجوبك نطوّل بماجوبنا

نساير الوقت لكن لا احتزم نحتزم
شفنا تدور الليال وثوبنا ثوبنا

مرّت بنا ايام لو مرت قليل العزم
ماشال قلبه كثر ما شالت قلوبنا

.....

ما يآصل الطوله ردي الهقآوي
ولا يقضي الحآجه ردي العزيمه

لا صار منت للمهمآت قآوي
خلك بحآلك والسلامه غنيمه

الجزل ماهو والهزيل متسآوي
الطيب يفرق له مقآم (ن) وقيمه

.....

ماهي تكفينا مراسيل الارصاد
العلم عند الله مافيه غيره

ياالله بليل فيه بارق ورعاد
ياواحدً تعطي العطايا الكبيره

علي الكويت يلوح برقه وينقاد
وينثر سحابه فوق شبه الجزيره

حتي ان علم الغيث مامنه نشاد
وعلم الحيا يذكر علي كل ديره

.....

هاماتنا عليا ونظراتنا فوق
ووجيهنا عند النشاما طويلة

لنا مع الطيب مواثيق وحقوق
جزال ونحب العلوم الجزيلة

.....

هذا الزمان لا عاد تشره على الناس
ولا تعاتب كل ماشفت زلّة

كثر التشرّه والعتب يوجع الراس
من جاز لك جز له ومن شان خلّه

سعد بن جدلان

مايفـقدك إلا الذي حيل يغليك
‏واللي لك بقـلبه مكانه عـظيمه

‏يهيم في شوفك ويسعد لطاريك
‏وكل المشاعر نابعه من صميمه

.....

صباح الغلا والشوق كله ودهن العود
مدام اسمك يفوق الخلايق وأساميها

صباح نسيمه ينتشي بك حلا و ورود
صباح الفخامة والقصور ومعاليها

صباح اشتياقي واشتياقي عليك يزود
عيوني تمنى شوفتك وأنت غاليها

منصور الحبابي

تفاءلوا بالخير ياتيكم الخير
ما للحياه بـدون الآمال قيمه

الصبر مفتاح الفــرج والتباشير
والياس مفتاح الحزن والهزيمه

.....

‏ياليتـــنا نرجــع مثل اول اطفال
‏طُــهر وبراءه ما بنا ظــن كافـــر

‏اللي يزعــــلنا يراضينا بريال
‏واللي توفى نحسب انه مسافر

.....

من يجادل واحدٍ ماهو بقانع
كنه يحط العلاج بفمّ ميت

.....