فوق هام السحب ( الشعر الشعبي) على متن القوافي

اغيب لكني مع الناس موجود
وعلاقتي بالناس جدآ لطيفه

غضيت طرف العين عن كل منقود
وخاويت بيضان القلوب النظيفه

......

اقــرب اشـــوفك يامكحل عيونك
واضمن نجــاك من كل زله ضمانه

تـعـال مـــالـــي روح تحيى بدونك
يامن خــذيت في قلبي اعلا مكانه

اظهر معي في الوصل كامل فنونك
مــادام روحـــك في حياتي مصانه

......

تعال زيح السكوت اللي كتم صدري
محتاج نسمٓـة سوالف بيني وبينـك

ما عاد باقي من اجوبتي سوى مدري
ولا عاد باقي من اسئلتي سوى وينك

......

المعذره لبطيت عنكم بمرســال
حكم القدر يـــفرض علينا ظروفه

والشاهــد الله قدركم فــوق متعال
مايحجبه ضي القمر في خــسوفه

ولو إبتعدنا أشهد انكم على البــال
نـذكر غـلا الغالي ولـو ما نشووفه

بقلمي

‏في القــلب قــصر للـغـلا وأنت بانيه
‏حـراســه أشـواقـي وطـيبة ظـنوني

أظـن بـك ظـن الوفـا وأنت راعــيـه
‏ياللي طيوفك في الغياب إسكنوني

أنا بـدونــك باقــي العــمــر ما أبيــه
‏هل تستــطيع تعيش عمرك بدوني

......

وين اودي شوق قلبي والوله
لوغديت بعيد عني مااسمعك

تملك احساسي وفكري تشغله
ترحل طيوفك وفكري يجمعك

هاك قلبي هاك ليتك تقبله
خذ سنين العمر او خذني معك

انت تالي الحب عندي واوله
من يقول إني نسيتك يخدعك

......

‏في حبك القلب متعلّق و متشبّـك
يا أول الناس في قلبي وأخرها

أتنفسك و أعشقك و أغليك و أحبك
والروح لـعيونك الثنتين آسرها

......

ماسخاك تهجرني الله مقساك
حتى ولو ظرفك معقد وقاسي

وكان لا قلبي وصولك ومرساك
وكل وجداني وروحي مراسي

والقلب ما قصر احباك وواساك
وما لقى طيفك لطيفه يواسي

وكنت ملهاته بصبحك ووممساك
واليوم هاجر ما ترد التماسي

ان كان هجري هونشاتك وسلواك
فانا بوصلك انتشي من حماسي

هجرك مؤكد بالخفى من حناياك
لانها دايم بصحبة حواسي

جودلي بوصلك يا حياتي ونجواك
صدك يزيد فوق الاسيه ماسي

......

أنت الوحيد اللي مع الوقت نبغاك
ونرخص لأجل عينك نوايا كريمه

خلك بجنبي كان وقتك تحداك
وشوف الفعول الراقيه والعظيمه

في ذمتي لأشيل حزنك وما جاك
وأسقيك حبي من مشاعر رحيمه

......

ياعاشق الليل والشعر وطواريقه.
بعض القصايد طلبتك لاتطرقها

ابعدعن اللي تجيب الحزن والضيقه
ترى المغاليق فيها ما مظايقها


.....