فوق هام السحب ( الشعر الشعبي) على متن القوافي

‏يفز لك قلبي من الشوق و يبـوح
‏لكن أمانة احفـظ اسـرار بوحـي

‏بنيت لك بالروح من حبي صروح
‏تعال واسكن في أعالي صروحـي

......

الـحب مثل الوررد والقلب بستــان
والنبض غيمـه تمطر الود ب الــرووح

والــذوق كل الذوق لو كنت هيمــان
بين الخجل والصمت يطرب مع البوح

......

ياملاك الارض ما دونك ملاك
ياقمر في ليله النص البدي

عينك صابت فؤادي بلهلاك
والمشاعر فيك ما تترددي

ماقدرت اوصف من اعجابي حلاك
والقلوب الي بها تتجدي

دايم بخيالي اسبح في سماك
والسعاده بك ولك تتولدي

لاتضني ان قلبي ما غلاك
يا عطور الورد والشم الندي

......

‏أنا و أنت جعل الله ما ياخذ حد من حد
نعيشّ الحياة وندري إن العمرّ فاني

علي الرغم من بعد المسافه وبعد الجد
لكن ما لاحد منا غناة عن الثااني

......

حنا بشر نشعر بالاحزان واليأس
‏ونفوسنا مثل النجـوم المطظ“لّـه

‏نشكي لرب الناس مانرجي الناس
‏ما داام شكوانا لغيره مـذلّـه

‏ما تنتكس هامه ولا ينحني راس
‏إلا لـوجه الله وخوفـآ من الله

......

تضحـك لي الـدنيا ليا مـر طيـفـك
ماكن فـيها الا السعاده وأنـا وانـت

خـذني معك على مزاجك وكـيفـك
أهـم شـي إني معـك وين ماكـنـت

......

سرك فؤادك والفؤاد انت سره
اما الصبايا سهل لك تحتويها

ان كان حبك صادق فاح عطره
وقمة اوصاف الوفا تعتليها

ما ظن حبك توقفه اي عثره
لن المحبه فرض ما نجتبيها

لكن عتب ودلال مره بمره
هي ما تخير حاله انته عليها

وتنتهي العشقه بتكوين اسره
وذكريات الحب ماحد نسيها

......

‏القاك في درب القصايد والاشعار
والقـاك في كل المشاعـر أحـادي

مالك شريك بقلب حطك له اسوار
واشوف غيرك في عيوني جمادي

جتـني .. طواريـّك مـع الليل زوار
احسـّها .. كـل ما تصـيح وتنـادي

اعبـر بها يمـك على مـوج الافكار
خـيـال .. لكـنـّة بقـلـبـي وكــادي

......

لا زان جو القصيـد وفاحـت الدلـه
نقدع ثمار الحروف وطعمها حالي

وأسج مع هاجس يبـري لي العلـه
وأسعد ولو كان قلبي من الفرح خالي


......

‏

صوتگ يداوي علّة القلب والروح
أرجوگ لا تقطع دوا الروح عني

أموت أنا بصوتٍ جمع جد ومزوح
لامن سمعته قمت ارحب وأغني

فديت من خلا حياتي لهـا روح
فديت منهـو بالمحبه فتني

......