فوق هام السحب ( الشعر الشعبي) على متن القوافي

يالله برزقٍ على غفله من الحسّاد
‏مدة كريمٍ تجود الناس من جوده

‏رزقٍ يجي دون تخطيطٍ ولاميعاد
‏دعوة مصلي دعاها لحظة سجوده

......

‏لا عاد تسألني عن الحال وش فيه
مشتاق لـكن الزمن ما صفى لي

لو تكشف اللي في خفوقي مخبيه
يمكن عيونك ما تنام الليالي

......

‏امست جميع الاوادم والجريح امسى
‏يسامر الليل والاشواق وحداني

‏من يحسب ان الهوى له مركب ومرسى
‏ترى المحبه عذاب وعالمٍ ثاني

‏يا ياصاحبي الوقت لو يجرح ولو يقسى
‏انا ما احب اكسر الخطّر ولا اداني

‏ولو اني انسى جميع الناس كيف انسى
‏اللي حلف ما يخليني وخلاني

......

‏ماني معاتبك بس أبيك تفهمني
‏حسّسني إنك تبيني وإتبع أشواقي
‏
‏ وإن كان تبغي فراقي لا تعلّمني
‏خلّك مقفي وأنا اللي بفهم الباقي

......

‏آه ياكثر الكلام اللي يموت بـ صدري
وكلمة أحبك لو أعرفها ما أعرِف أنطقها

رغم كل الصمت هذا ودّي إنك تدري
كل حاجه فيك صرت أحبّها وأعشقها

......

غرك اني في فضاء دنياك هايم
‏في سواك من البشر ما انا اتفكر

‏وغرك اني ما اتسمع فيك لايم
‏من مجاميع المؤنث والمذكر

‏تحسب ان قلبي ملكته ملك دايم
‏يوم شفته لا يخوووون ولا تنكر

‏انتبه من سجة القلب المهايم
‏لا نسى ينسى ولا عاد يتذكر

......

انا على كف الزمن عايش الجو
لو الظروف اقسى من اللي تجينا

عشت الحياه وقلت ياخاطري سو
محدٍ تفضل بـ الوناسه علينا

‏الله هو اللي وزع الرزق بقياس
‏ومن دنيتك ما تاخذ الا نصيبك

‏ان زاد رزق الناس لا تحسد الناس
‏الله حسيب الناس والله حسيبك

......

‏سلّم على اللي طريق العز ماشينه
‏ مع درب الأسلاف لاملّو ولا هانو

‏ ناسٍ ليا مات ابوهم جددو صيته
‏ وناسٍ ليا مات ابوهم كلهم ماتَو

......

الود بين الناس ماهو مطر صيف
تضحك سماه وتختفي في ثواني

الود ..له قيمة ومعنى وتشريف
فيه احترام و وصل طيب ومعاني


......