فوق هام السحب ( الشعر الشعبي) على متن القوافي

‏يافخامة حضــورك بين كل الحضور
تلتغي مع حضورك كل شيخة جمال

الدلـع والتـــباهي والفخـــر والغرور
لو تحرم على غــيرك لك انتي حلال

......

يا صاحبي لو تسمع هروج عني
من ناس قالوا كلمةٍ مالها ساس

حاول تعاملني بما شفت مني
ماهو تعاملني بما قالوا الناس

......

أبخـتلي في وحـدتي وأتـرك الناس
يمكن أحصل في إبتعادي وجودي

وإذا غـزاني الهـم والضيـق والياس
ناجيت من يسمع دعاي بسجودي

......

أذكاركم في كل يومٍ حصنكم
‏من شرِّ كل موسوسٍ خنــاسِ

‏هي رفعةٌ، هي جنَّـــةٌ ومثابـةٌ
هي قُربـةٌ للهِ ربِّ النَّـــاس

‏
أذكاركم حِرزٌ ووِقَايَـة

فيني شموخ غارسه شايـبي غرس
‏ومهما يجور الوقت مالان باسي

‏ابوي علمني وأنا حافظه الدرس
‏مقدر أخالف سلم جدي وساسي

......

‏أضحك وأسولف وآتواصل مع الناس
‏والناس ما تـدري عن اللي بصـدري

‏وأخفي حزن قلبي ولا أبيّن إحسـاس
‏خـايف عيون الناس بالضيــق تـدري

‏بغيت افض الصمت هوجاس هوجاس
‏ثم قلت ياصدري على البـوح بـدري

......

ما دام راسي على متني وعظمي سليم
الباقـي من الخساير كلها هيّنة

نوب أتغيشم كذا مع إن ماني غشيم
لين الليالـي تجيب الحجّة البيّنة

واللّي تجي بالصّميم أردّها بالصّميم
ولا يكسر القاسية من يعصر اللّينة

ما يستغل الكرام إلا الردي واللّئيم
وما شوّه الطيب كله غير هالعيّنة

......

‏الذكريات بكل الأحوال تشقيك
‏مافيه روح من الحنين استراحت

‏تحزن على ذكرى حزينه تبكيك
‏وتضيق من ذكرى جميلة وراحت

......

أكتب غلاك بصفحة الطيب والجود
على الوفاء يا صاحبــــي ما نسيتك

وأنا الذي في صحبتك حيل محسود
لو تطلب عيـــــوني وروحي عطيتك

......

مثلي مثِل غيري مثل باقــي الناس
ماهو ضروري مثل م اصبحت امسي

احيان اشعر ب ارتياحـي مع الناس
واحيان مالي خلـق حتــى لنفسي‏

......