اخترنا لكم

اضحك ترا الدنيا لها ايـــام وتروح
لاتشيل هم الوقت من فوق راسك

.....

قلب ماليه الحسد ماهو موفق
لو يقوم الليل ويصلي صلاتـــه

.....

مالنا بالعمر والـــوقت والدنيا ضمان
والزمن دوار يمشي على بطن وظهر

.....

ودق البـــهــــار وبـــهَره ثم صــبـه
تصبغ على الفنجال مثل الخـضابي

ومن يوجعه راسه ترى الهيل طبه
وليا تقــهوى غاية الكـــــيف طابي

.....

ستر المواجع داخل القلب راحه
لو يمتلي صدري بها ماتكلمت

ماهو جديد القلب يخفي جراحه
ولاهو غريب الضحك مهما تألمت

.....

‏يالله وسـع خاطـر العبد لا ضـاق
مـا غيــرك اللي عـالم ما خفينـا

يارب آجرنا علـى حسن الاخـلاق
و عنـد الخـطا يـارب تستر علينـا

آمين

‏صار الخروف يخوف الذيب ويهاب
صقر النداوي من هديل الحماامه

واردى العرب يلبس عمامه وجلباب
وهو من اول كان حلمه عمامه

.....

‏تاخذ من اوصاف الغزال التلفات
‏وتاخذ من الصقر المبرقع عيونه

‏من زينها لو يجمعون الملذات
‏يبطون وصف الفاتنه ياصلونه

.....

الصقر له هيبه كما هيبة السيف
أغلى الطيور وموسم بالشجاعه

اذا شافته طيور الحباري مواليف
تطلق جناح الريح خوف وراعه

.....

‏بين هقوات المشاعر ونظرات العيون
‏كل شفرات المحبه مثيره للجدل

‏لاتضيعك الهقاوي وتخلفك الظنون
‏تحسب ان الوضع عادي وللفاقد بدل

‏وين ابلقى لي مع اللي يروحون ويجون
‏قلبً ليا راح يرجع واذا مال اعتدل

‏المحب اليا تعدا محطات الجنون
‏لو يدلونه على الدرب لايمكن يدل

.....