اخترنا لكم

‏بين هقوات المشاعر ونظرات العيون
‏كل شفرات المحبه مثيره للجدل

‏لاتضيعك الهقاوي وتخلفك الظنون
‏تحسب ان الوضع عادي وللفاقد بدل

‏وين ابلقى لي مع اللي يروحون ويجون
‏قلبً ليا راح يرجع واذا مال اعتدل

‏المحب اليا تعدا محطات الجنون
‏لو يدلونه على الدرب لايمكن يدل

.....

تعال واجلس عندي ترى الأعمار محدوده
‏أخاف أموت وتموت محدٍ حصّل الثاني

عبدالله بن شايق

من شافني ضاحك بكل التواقيت
يقول ما عنده من الهم ذره

ما يدري انه في صلاتي لا صليت
اسجد سجود السهو عشرين مره

.....

لا ترمي المزحه على كل جالس
ترا نفوس الناس ماهي سويّه

احفظ لسانك لادخلت المجالس
ماكل من قابلت تصبح خويّه

.....

‏كل ماضاق الصدر قلنا سعه
‏وكل ماقل الصبر زدنا صبر

‏الصقر ليته سلم من برقعه
‏والكفو ليته تعداه الفقر

حمد السعيد

يا صقر يوم تصد وش جاك مني
صدتك عني ضعف ولا جزاله

ماخاب ظني فيك يـا حسن ظني
انا ادري ان الصقر صعب مناله

.....

‏لا تأمن الدنيا ترى الدنيا تدور
والقوم تسبر والقيامه قايمه

أما تعيش بمخلبك مثل الصقور
وإلا تعشاك الطيور الحايمه

.....

تاخذني الذكرى لبعض المداهيل
وازورها لو اني اصـد عنها

عذري موادع ضيقةٍ هدت الحيل
كم لي سنه والقلب يدفع ثمنها

مع كل مبدا صبح والا مساء ليل
يارد على حدب المحاني ضعنها

تقبل على قلبي كما قرح الخيل
وادوي وتامر في خفوقي وتنها

.....

الخوة البايرة مثل الفلوس الحرام
مهما تحافظ عليها ضايعة ضايعة

.....

صدوف الليالي ما بها يمكن وبعدين
وسنين العمر ماهي على كيف راعيها

......