اخترنا لكم

‏بتمرّك الذكرى بطارف لياليك
‏وتعلمك معنى القلوب العظيمة

‏لحظة ما ندري تسعدك أو تبكيك
‏بس الأكيد إن المشاعر أليمة

‏أصعب شعور إن تدعي الله ينسّيك
‏من كنت تدعي يا عسى الله يديمه

.....

‏من يفلـت النـادر وهو مابين يـديه
‏ماعاد يرجـع بالمدامـع والصـياح

‏مافي شي يبقـى على ماهـو عليه
‏حتى الجبال الصمد تنحتها الرياح

.....

اسامح المخطي ولا أنسى خطاياه
‏يعني خطاه أطـوّفـه ما أطـوفـه

‏جرحٍ أثره يزول بعد المداواه
‏وجرحٍ لو إنه طاب عينك تشوفه

علي بن حمري

‏حتى المكان اللي عجزت اتعدّاه
‏أقسى عليه أحيان وأحيـان احنّه،

‏بسيط للحدّ اللي أرتـاح ويّـاه
‏وعميق للحدّ اللي أخاف منه

‏مزيد الوسمي

‏يا أجمل بداياتي اللي في بداياتي
‏واخر ملذاتي اللي عشقك اولها

‏تعالي استقبليني فوق هقواتي
‏واخذيني لدولة العشق ومنازلها

‏اليوم اعيشك وطن من ذاتي لذاتي
‏على ثراك اسعد اللحظات واجملها

‏تركي الميزاني
‏‌

‏ترى صدق الغلا يجبّر حطام الخاطر المكسور
‏و أنا مهما منحتك من غلاي أشعر بتقصيري

.....

‏مايهّز الصادق الا دمع عينه
‏لا عطى من كل قلبه وأنخذل

.....

والله إن أقسى من البعد وأوقات الوداع
‏لحظةٍ يمشي بها الشخص وعيونه وراه

راكان بن ملهي

‏مريت قلبه عابر وليتني ما عبرت
‏تركت كلي هناك وجيت من دوني

.....

الشوق يكبر وقدرك بالغلا يكبر
‏ شف ودّك اللي خذاني وين وداني

‏أخاف أبين مدى حبك و تتّكبر
‏ وأخاف أبين صبر قلبي وتنساني

.....