فوق هام السحب ( الشعر الشعبي) على متن القوافي

غياب الكفوا يوّجع وفرقىَ الردي نعمه
‏وأنا اقولها من واقع .. التجربه برهان

‏أعز الكفوا وأغليه ... في ذمتي ذمه
‏وأقدر جنابه زانت أو شانت ألأزمان

‏ووجه الردي ما يفقده غير قلب أمه
‏خوي الفلَس ماينحسب حسبةألشجعان

‏‌ النجم العالي⁩

‏أنا أشهد ان الصمت للعاقل علاج
والعذر منكـم كان طـوّل سـكـوتي

لاكثـروا أهل الهرج ماني ب هـراج
ولانـي على بلـوى الخلايق شموتي

امـا كـلام ً مطلـعـه نـور وسـراج
ولا بلاشـي تسمـع النـاس صـوتـي

أعيـش لـي سيـرة ومبـدا ومنهـاج
مـن يـوم ميـلادي لـيـا يـوم مـوتي

ماجد المسعودي

‏سمعت لي كلمةٍ مدري وش أقصاها
حزت بنفسي وأنا مانيب هارجها

ْلو كل كلمة اليا جتنا طردناها
بعنا الثمينه بسعرٍ ما يخارجها

ْلو مرت السمع ما كنا سمعناها
ونقفل الـراس عـنها لا يبرمجها
ْ
ومن يم هذا لهذا ما نقلناها
والناس واجد وتلقى من يروجها


عبدالله بن زويبن

‏من تركني ساعة الحاجة وقفّى
‏لايجي...لاصارت الدنيا عوافي

‏وبيض الله وجه من كفّى ووفّى
‏الرفيق اللي مع الصدْقان وافي

‏علي الشريف

ما خلقنا الله نداري في بشرها
‏وما تربينا نبادلها الملامه

‏من بغانا ياخذ العين ونظرها
‏ومن تركنا جعل تصحبه السلامه

......

‏مشينا على درب المعزه ونهج العود
‏وفي مدرسـة شيخ المراجل تعلمنا

‏عسى الله يبعدنا عن العيب والمنقود
‏وعسى الله فعيون النشاما يجملنا

......

دام النهاية قبر والقبر طوله متر
‏غلطان من يحسب الدنيا عليها سعه

‏ماعاد أبي شي غير العافية والستر
‏أنا قنوع ووصلت لـ مرحلة مقنعه

......

من بغى قربك يسوي المستحيل
ومن يشوف انك خساره اخسره

لا تنادي من بغى درب الرحيل
ابتسم له في رحيله واشكره

......

‏لا ترهق افكارك ولا تسرح بعيد
‏الشمس تفضح ماخفا بشروقها

‏ازرع بوقتك طيب وانت المستفيد
‏الطيب شجره ماتموت اعروقها

......

‏إن شانت الدنيا ترا العمر مقسوم
‏محدٍ حياته جت على ما يريده

‏دايم تفائل بالامل واترك اللوم
‏عش لحضتك واللي مضى لا تعيده

......