فوق هام السحب ( الشعر الشعبي) على متن القوافي

حنا نحب الصدق ونقول الصحيح
وقلـــوبنا ما كـــل مـــن جاها قلط

مو مشكله لا صــار منطقنا صريـــح
المشكــله فـــي الناس تفهـمنا غلط

بقلمي

‏أسهر وأراقب طلعة الشمس بشرووق
وأحارب الهـآجوس وأرجـع و أطـيـعـه


أمشي مع آلعـآلم ولي قلب مسرووق
يالله عـسـى اللـي سـآرقـه مـآيـبـيعـه

......

‏أعز نفسي عن غثى الناس و اصد
‏ورفعت راسي عن مذلات الأهانه

‏ماهو انا الي يخلط المزح بالجد
‏ولاني من اللي يستغلون الميانه

بقلمي

‏ما عادت الأيام هي نفس الأيام
‏ولا عادت الناس الحبيبه حبيبه
‏ٰ
‏احتار فكري قبل تحتار الأقدام
‏الدرب موحش والمشاعر غريبه

......

عاملتني بأسـلـوب ما يعجبني
كن انت سجاني وانا مسجونك

ماكنت اظن الحب با يتـعبنـي
قد كنت في نعمه وراحه دونك

لا هكذا طـبـعك فلا تحـسبني
محبـوبك الغالي ولا مـجـنونك

لا عـاد تسـألـني ولا تطـلـــبني
عهد الوفى يامـن نفذ مخزونك

لو ما الحلا اللي فيك ماتجذبني
ولولا اليميـن السابقه ماصونك

طبـعك تغــير كيـف بي تكسبـني
من غيـّر احـساسك وبدل لونك

ان كان قصدك بالـجفا تسلـبني
ماقول غير الله يكون في عونك

......

‏أذكر انك كنت جنبي واستخير
يوم ابيك ويختنق عندي النفس

حتى يوم اتعبني غيابك كثير
قلت جعله مايحس اللي احس

......

ما كل طاري يثيرالصمت فـ آعماقي
‏إلا انت طاريك لامن مر آوقف له
‏
‏تدري شسوي ليا من زادت آشواقي
‏آرسم خيالك على بالي وآسولف له

.....
‏

‏عرش الهوى اللي تولى فيه وأحتله
‏لا طاح منه وش اللي عاد يبقالي

‏بتعم في صدري الفوضى وتحتله
‏وأعيش باحزاني وخيبة آمالي

......

يارب وان ضاقت عليّ الوسيعه
‏انت الذي لا ضاق صدري اناجيه

‏وعبدك لو ان الوقت عيّا يطيعه
‏ما ينحني راسه لغيرك ويرجيه

......

قلبي عطـاك مـــن المحبـــه كفاتك
يامغرمي راعي شعـوري والاحساس

زينك اســـر قلبي بكامــــل صفاتك
وحبـــك ملكني يا غلايا من الساس

اصبحت عاشق لك وعاشق حياتك
واقرب بشـر مني لروحي والانفاس

......