اخترنا لكم

راع البخل كفّه عــدو المصاريف
‏و يحـــارب الطيّب لـو انه قريبـه

‏يزعل ليا شاف ولدْه جايب ٍضيف
‏تقـــول كنّه جـــايب ٍ له مصيبـه

.....

لو ينبت الورد فوق ارض الغياب الهجير
‏يمدي تزين السنين وتترك عماسها

‏اقسى من الدمعْ في عين العزيز الفقير
‏الكلمه اللي تموت وندفن احساسها

‏البارحه ما فقدتك .. رحت فاقد مصير
‏وانت اخبر الناس في (وينك) وهوجاسها

‏كنت اقطع الشك وآخذ في يدين الضرير
‏لين امتلت كل فكره .. شر وسواسها

‏كيف آمنك وانت خايف واحتضر واستخير
‏يا بهجة النفس ، نفسي ضاقت انفاسها

‏حلّلني ارجوك من بعد العَشاء الاخير
‏خانتني الامنيات ودقّت اجراسها

‏ياما وياما طفت شمعه وفاحت عبير
‏بعض الاماكن تضيق بـ ضيق جلّاسها

‏يوم انتظرتك لحالي جيت جمعٍ غفير
‏تبّت يد الذكريات وعاش كرّاسها

‏لو اسهرك ما سهرتك لجل احبك كسير
‏توارد اوجاع روحي تطرد نعاسها

‏الطف من الصبح واعذب من قراح الغدير
‏صوتٍ يمر الليال وينجلي ياسها

‏اخفض جناح الهوى وامسك يديني وطِير
‏محتاجلك حاجةٍ ما دنّقت راسها

‏محبةٍ مابها غصّه و صحوة ضمير
‏حرام ودّك تبور وتعلن فْلاسها

.....

‏ياحسنٍ كل ما طرّوا ذوات الحسن والانساب
‏عرفت إنك من أحفاده وجدّانك من أسلافه

‏ورثتيهم مثل ورث الملوك اللي تقص أرقاب
‏ويزبن في ذراهم من خسر داره ومشرافه

.....

مابقى لي قلب يشفع لك خطيه
‏ذوبته جروح صدك والخطايا

‏صاحبي بالله لاتعتب علي
‏العتب ماعاد تاسعه الحنايا

.....

‏وقدرت أخذ من عيون الزمان الممحلة مفتاح
‏وعجزت أفجّ بيبان الوصل عن بكرة أبِيْها

‏تمرّك ذكريات العام نوقٍ شدّها المسراح
‏وأمرِّك ليلةٍ تتعب رجولي من مسارِيْها

‏غريبٍ ما لمَح وَجْهك وجيه وطبْعِه اللمَّاح
‏خذى كفّ القصايد لين سلَّم لك نواصِيْها

.....

‏البخل في عين البخيلين إقتصاد
‏والضعف حكمة في عيون الأجودي

‏وأسهل عمل للفاشلين الإنتقاد
‏كلٍ يسب أهل الردى حتى الردي

‏حتى الجبان يصير طارق بن زياد
‏إذا جلس على البساط الأحمدي

.....

ماخذٍ قلبه غلاي وماطمع قلبي بغيره
‏قصةٍ فيها تركنا من منادمنا بقيه

‏قلت قلّي وش تحب من الكبيره للصغيره
‏غير حبّك للفضايل والفضا والافضليه

‏قال وش أقول وأنتي كل خير وكل خيره
‏وكل صبح وكل ليل وكل نور وكل فيّه

.....

‏تمردي بالتغنج وألعبي بالطروق
‏اللي بها الغطرسه والعنفوان اخلطا

‏انتي من اللي عليه قلوب الامه تتوق
‏منتي من اللي ليا روّح مراح القطا

.....

‏على دربك لو إن العمر يوقف تمشي الاقدام
‏إلين اموت ابيك وغيرك من الناس ما ابيها

‏يا روح الشعر وحروف الكلام وسطوة الالهام
‏احاسيسي معك ماني بعارف كيف اخبّيها

‏يا مرساي الاخير و ذكرياتي في مدى الاعوام
‏يا ضحكة وجهي اللي تذبح اشواقي وتحييها

.....

‏تبعته دون خوف من الكلام وشرهة العذال
‏وسقيته من هواي العفّ شيٍ معه يحلالي

‏لقيته في محطات العمر صدفه وقلبي قال
‏هذا اللي تمنيت وفداه اللي تبقى لي

‏مواقفه الكثيره خلت سواد الكحل سيّال
‏وأنا بنت يليق بها الترف و الحب يزهالي

.....