فوق هام السحب ( الشعر الشعبي) على متن القوافي

ياليت حبر القلم يشرح لك أوجاعي
يشرح لك أوجاع قلبي ويشرح العله

نار(ن) تحرق الفؤاد وتحرق اضلاعي
من زود شوق(ن) يجر القلب ويتله

خانت بي الدنيا وبي قصر ذراعي
والرجل عيت تسير الدرب وتدله

ياما نخيت البخت لكن فلا طاعي
دايم وسيف الهجر في وجهي إيسله

يابنت مالي على لحظات الوداعي
بسمك هويت الهوى واصبحت له خله

صوتك يصبر خفوقي ويطرب اسماعي
أنسى معه عالمي وانسى البشر كله

ياكامله بالحسن مع زين الاطباعي
حسنك فتني وسطى للقلب واحتله

نزفت حبر القلم وارسلت به ساعي
ياليت منزوف حبره يبري .. العله

......

ما كل غـايـب يبــرّر غيبته عـذره
‏بعـض المعاذير ما نقدر نمشّيها

‏يازارع الأرض لاتشره على البذره
‏لاصار فيها حيـاه و غـاب ساقيها

......

‏رفيقك الطيب على الوقت لك عون
‏سيفٍ معك في كـل لازم تسله
‏
‏ورفيقك العلة مثل شبك أبو سنون
‏يوذيك في طــــوّيه ويوذيك فَلّه

......

‏إن قدر الله مع الأيام نتواجه
‏وتمر مثلك مثل ناسٍ يمروني

‏بعيوني تصير ماتسوى ولا حاجة
‏من عقب ماكنت تسوى الناس بعيوني

......

‏ياللي تشبّثت بعروق المعاليق
‏محبوبتك لا حبّت تصير طفله
‏
‏الحب مايطرق قلوب المخاليق
‏يآتيك مثل الموت في حين غفله

......

القلوب آسرآر و آلدنيآ عبر
وآلعمر لو طآل تآليه آلرحيل

و آلخوآطر كسرهآ مآله جبر
لو يعيد آلوقت مآضيه آلجميل

......

‏يشد فيني الحنين لماضي أيامي
‏ وأحن له كثر ماهو داخلي يقسى

‏ مهما تمر السنين وتمضي أعوامي
‏ مازلت مشتاق الى أيام لا تُنسى

......

‏مهما نعيش من الليالي والاحلام
‏ومهما نسطر من كلام ونقوله

‏تبقى السعاده كلها واغلى الايام
‏هي بالبراءه وذكريات الطفوله

‏اكبر حزن فينا على لعب واوهام
‏والا على شيٍ عجزنا ننوله

‏لكن كبرنا وانتهت ذيك الاعوام
‏وصرنا نقول ان الليالي عجوله

......

‏لا ماتت عزوم الغني ماماتت امال الفقير
والفرق واضح فـ الوجيه الراضيه والشاحبه
ِ
ثوب المعزه من لبسه يطول لو انه قصير
وثوب المذله لو يطول شوي يقصر صاحبه


عبدالله بن خشمان

‏الرابح اللي إذا ضاقت بوجهه سجد
لا نزل الرأس لـ الخالق ، ودمعه رقى

اللي لقى درب ربه بـ الزمن وش فقد
واللي فقد درب ربه بالزمن وش لقى


فيصل الرياحي