اخترنا لكم

‏طامعٍ بالقرب منّك ولو إني قنوع
‏ليه ما أطمع وأنتي الزين والشان الرفيع

‏أنتي أوّل من تربّع ورا حدب الضلوع
‏إرتكيتي لك على قلب يشري ما يبيع

.....

يالله ياللــي زمــام امـورنا في يديك
‏لا تجعل المغـريات اكـبـر طمواحتنا

‏نسألك عفوك ولطفك والتوكل عليك
‏والعـافيـه والنـجـاه وسـتـر عـوراتنا

‏يارب ما فـــيـه ملجا مــنّك الا اليك
‏نخطـي وتقبل تضرعـــنا وحـاجـاتنا

آمين

‏ما يرى فيك العيوب اللي يحبك
‏والمعادي مـا يرى فـيك الـمزايا

‏لو تطيب العمر تلقى من يسبك
‏ما سـلم من الـبشر خـير الـبرايا

.....

الخاطر لياطاب من شخص تغليه
‏ماعاد يبقى له قدر واحترامي

‏يطيح من عينـك ولو كنت شـاريه
‏ماهو رفيقٍ بالمواقف حزامي

‏واللي مزاجه بعض الاحيان يغويه
‏حتى جهل دور الخوي والنظامي

‏من خانة التقديـر والقرب نعفيه
‏ولا التفت صوبه علي الحرامي

.....

اقفى ولكنه ترك داخلي شي
‏وانا تركت بداخله ألف حاجة

‏مدري مصير الحي بيلاقي الحي
‏ولا انا وياه صعب نتواجه

.....

كذبت لي كذبه وعودت صدقت
‏انه مصير الحي بيلاقي الحي

‏بس الحقيقة يوم منها تحققت
‏ان الفرح والحب أشياء ماهي لي

.....

‏مهما يكون الشعور اللي علي بادي
‏لا زلت أنا الوارد اللي ما طوى حبله

.....

‏اتنفَّس به ليا مات في صدري كلام
‏واتعنَّز به ليا مال جسمي للمطيح

.....

عن الخطأ ماني منزه ومعصوم
‏لكن احاول قدر الإمكان ما اخطي

‏وان جاتني غلطه من انسان محشوم
‏اغض عنها الطرف لا اخذ ولا اعطي

‏الصمت يحميني من العيب واللوم
‏والهرج تأثيره يطول ويبطي

.....

انتبه من طيحةٍ ماعاد منْها قومه
وانتبه من قومةٍ مجلاسك ابرك منْها

المواقف تمّسك الرجال من حلقومه
يا يداحمها بجنبه يا يجنب عنها

.....