فوق هام السحب ( الشعر الشعبي) على متن القوافي

ماجاك مني جرح ماجاك تقصير
ماجتك غير الذكريات الجميله

واللي لقيته منْك من دون تفسير
هــمً يلـوج الصدر ويهد حيله

كنت احسبنك غيثً يسوق التباشير
وغيوم وصلك بالمحبة هميلة

وثرك سحابة صيف ماتسقي الطير
لا بارك الله في القلوب البخيله

......

الجناب السمّح و الوجه الحياوي
و الكلام الذرب و النفس النقية

و العقل و الدين و الكف الرهاوي
سبع تفرض لك حضور و قابليّة

......

مانيب مجبور اخاطب على قد العقول
والله إن بعض القناعات عندي مهمله

الكلام تشوفه الناس حل من الحلول
مثل ما اشوف التجاهل يحل المشكله

......

ما عاد بي شدّه على طرد السراب
و مراقبة شمسٍ توارت للغروب

إما وجودٍ يلّوي ذراع الغياب
و إلا غيابٍ يفضح الوصل الكذوب

......

اللي ماينفع نفسه بعز وثبات
والله مايلقى اللي بـ عمره ينفعه

مستقبلك ماله شغل بالذكريات
اللي شراك أشره ومن باعك بعه

إن قفلت في وجهك الأربع جهات
أختر جهه غير الجهات الأربعــه

......

صدتك عن بعض السوالف شجاعة
شيمة وعزةٍ نفس ماهو رداً منك

صدتك عنها طيب نفس وقناعة
ترفعك بعيون العرب ماتطمنك

......

الليّ خسرته من بعد عزم وكفاح
رزقٍ مهو مكتوب في شتى السبل

يزيدني ربـي سعاده وارتياح
كل مامشت الايام وأَحيَـت ماذبل

أول محطات التجاوز والنجاح
ما تلتفت لليّ تركته من قبل

......

رجلً ليا جيته هروجه مفاليس
ورَجلً ليا جيته أبَد ما تمله

ورَجلً إذا شفته تعوّذ من ابليس
ورَجلً تشوف بوجهه الخير كله

......

الكلمة اللي ما تليــق بـ مقـامـي
‏تمــرني و اسكّــر السمـــع عنها

‏افـرض على كفـــو الرجال احترامي
‏وارفع مقام النفس م أرخص ثمنها

......

أتركوني في زماني لاهي ومتغاضي
وآعفو الخاطر من اللي يوجعه ويحدّه

البلا ماهوب في حزني ولا فـ امراضي
غير والله في ضميرٍ ماعرف وش ودّه

كيف تبقى ذكرياتك يا غرام الماضي
وأنت عني معلنً درب الجفى والصدّه

......