اخترنا لكم

بعض الحكي ماينحكى صعب ينقال
لو ينحكى يمكن يدمر كثيرين

في داخلي للكل بيت ومدهال
دايم وهقواتي مع الزين والزين

متقهوي اللوعات من دلة البال
ما هز فنجان الصبر لو هو عشرين

في راس مرقابي اهيجن بموال
طاروق له ونه وحنه ومضامين

.....

لاصرت تنشد يارفيقي عن الحال
مالي على كتمانها عنك حيله

الصبر عن بوح الاحاسيس قتال
والبوح في بعض المواقف فشيله

لو كل ما يطري على البال ينقال
ما كان شفت ان الثقيلة ثقيله

ابطيت أكافح ضيقة البال بالبال
وادفع بلى هـاجوسها كل ليلـه

.....

لوا التواصل بيننا دوم ممدود
الله يحب الوصل مرسل نبيه

هو منزل القران للناس يا حمود
وهو خالق الإنسان وبعده منيه

ليه المحبه دربها صار مسدود
وليه التراحم والموده ضحيه

.....

الصيت لاصار طيّب و النبا عاطر
وقلبك بالايمان متطيب و متعطر

لوكان رزقك على قول العرب قاطر
الناس باخلاقها المبسوط والمضطر

مرٍ تشين الظروف و يصفي الخاطر
ومرٍ تزين الظروف وتخرب الخطر

لاتحسب اللي يمضي حجته شاطر
الشاطر اللي عن المنقود متشطر

.....

‏مابقى من ثورة الفكر وابداع القصيد
‏غير مايقضي لوازم ومايهدي بشر

‏اعتبر كل القصايد خطا ساعي بريد
‏جا يسلّم ظرف سرّي ولكنه انتشر

.....

يارب ما نرتجي غير الرضـا والـقـبول
عفوك يامحييّ الهشيم البايد من المحل

كـلٍ يسبـح ونادر نفقـه اللـي يـقــول
حتى تضاريس الأرض القاحله تبتهل

سبحانه

العين ساحة حرب والدمع بارود
والضيق جندي مابخل بالذخيره

.....

وإليا ترديت حدّرنا بك الوادي
‏و لا أنت بأول رفيقٍ بار في ربعه

‏أجفاك وأنساك وأقطع عرفك وعادي
‏لو إن صداقتك منقوشه ومنطبعه

.....

الحزن ما يصلح على وجهك ابد
‏تبسمّي واخذي من احساسي يقين

‏حتى لو ان الله خلقنا في كَبد
‏الله خلق وجهك يسر الناظرين

.....

ماني يميـن الدرب ولا يسـاره
‏الدرب أنا كلّه من أدناه لأقصـاه

.....