فوق هام السحب ( الشعر الشعبي) على متن القوافي

أستحيت من المشاريه ومعاتب جفاك
واقتنعت ان الغلا مايجي عرض وطلب
َٰ
قلت اصد بـ كل حبي وتعظيمة غلاك
قبل اصّد بـ قلب عايف وحالٍ منقلب

......

عزّيت نفسي حيل عن كلّ كـذّاب
‏و جنّبت دربي عن دروب السّخافه*

‏لا عفت حاجه منّها خاطـري طـاب
‏تروح عـنـّـي مـا عـلـيـهــا حسافه


شيهانه 🇸🇦

وتــرى حــــلاة البنت مستورة الحال
من طاعــــة اللـه والنبـــي مستزيدة

والستر ما هــو في عبايــة ولا شال
ولا هــي نصايــــح تنكتب بالجريدة

الستــــــر حفظ الـدين حلٍّ وترحال
دايـــــم علاقتهــــا مــع اللـه وطيدة

تحفــــظ وجيه رجـال وتربي رجـال
على المـــراجل والخصـــال الحميده

......

الله يطول بقا اهل الطيب والمنصفين
‏اللي لهم راية الفعل المشرف ترز

‏سكوتنا حشمه وتقدير لـ الغانمين
‏حتى لو الهرج بعضه فـ الخواطر يحز

‏مانعرف انشارك الا فالكلام الثمين
‏لا صار لـ العرف دور ولا مواقف ملز

‏حنا نحفظ الشيم ونقدر الطيبين
‏وانعز حتى الرفيق اللي عليهم يعز

......

‏الصمت صوت الصبور اللي بلاه الكلام
‏والصد عين الحليم اللي يقود العمى

‏من يبغى يعيش بالدنيا رفيع المقام
‏لا شاف بالارض غبنـه يرتفع لـ السما

......

الطعنه اللي جاتني .. بالملّي
ويلي على اسلم منها وانساها

ياويش أقول من الحزن واخلّي
الله يسامح طعنتك ما أقساها

فرشت لك قلبي وجيتك .. كلي
وحطيتك أعز العرب واغلاها

تركتهم ، ولا جرحت الأ اللي
لو تطلبه كبده عطاك اياه

......

الخاطر إن عاف مثل النفس لا طابت
تقفي ولا عاد به شي ٍ يجودها

أنا بغيت الغلا يوم الغلا ثابت
و اقفيت و النفس مدري وش يراودها

رميت لي رمية ٍ وحده ولا صابت
و حلفت بالله ماعـاد أتعودها

......

كانت شكوكي يقين وكان ظنّي صايب
يوم تومي لي ورى طوال الدروب يدينه

لا يقول ان المسافة ماتجيب الغايب
البنادم لا أشتهى قلبه مشت رجلينه

......

لو هو صحيح الاوادم تفهم الخافي
ما كان قال المثل والخافيات أعظم

أهم شيّ كلمتي والموقف الوافي
والناس تفهم مثل ما ودها تفهم

......

بعض البشر جوه مثل جو لبنان
لو كنت متضايق يخليك رايق

وبعض البشر حاله مثل حالة إيران
متمشكلٍ مع جميع الخلايق

......