اخترنا لكم

ماني يميـن الدرب ولا يسـاره
‏الدرب أنا كلّه من أدناه لأقصـاه

.....

تبجحوا بالكلام اللي يجيب الصداع
‏ لاكبرت المشكلة حنا معازيبها

.....

‏القصيده في عيوني بدونك ما تزين
لازم ان اجيب طاريك يا ملح النشيد

انت ياللي من بطين الفؤاد الى الاذين
والله ان حبك مع الوقت ماينقص يزيد

في غيابك لك محبه ولك شوق وونين
وفي حضورك شف عيوني كلامي ما يفيد

.....

يراقبني بعينه وانا اراقبه بالعين
نبي بعضنا لكن الاوضاع تمنعنا
ٰ
الا ياحبيبي حن عرب في الهوى خجلين
نضيق ونخاف من المناقيد توجعنا
ٰ
نمشي بعض الاشياء ونسكت وحن دارين
ماجا في مسامعنا خرج من مسامعنا
ٰ
انا وانت في عالم لا مرضى ولاصاحين
عرب كنها معنا وهي ماهي بمعنا

.....

----
لا بارك الله في عمري ولا طوّل سنيني
ان كان خلّيتك ما بين غصه و عبره

تراك في وجهي بالزين و الشيني
اموت ولا اسمع كسرك في نبره

عيوني الي تشوفين ماهي بـ عيني
هي محلك يا كسر خاطري و جبره

ترا شاعرك تاه في حبك بالله دليّني
باع العمر يوم في عينك حفر قبره

وانا معك يا ملاذي فالعسر و الليني
شاعرك تقصر الايام ماينقصر شبره

والله ان ماقبلك فالغلا غير والديني
ولا بعدك احد كانك على خبره

.....

ماجيت احبك حب مثل المحبين
جيتك غلا باحساس قلبي يوده

اهديك روحي بالغلا ومحجر العين
ابني غلاك بـ قصر محد يهده

وافرش لك بالصدر ورد و رياحيين
واسقيك من نبع الحنان والموده

واكتب قصايد الحب فيك بقوانين
دستور ماغيرك من البشر يتسمده

.....

الفقد ماهو فقد من غاب عنـا
‏الفقد والله من بيدينا دفناه

.....

حقير الشوق ما يرحم ما له وقت أو حزه
يعور قلب كل إنسان فقد له واحد يعزه

.....

مايعرف الضيق غير الي فقد غالي
‏يبطي ونفسه من الأيام ملتاعه

.....

جعل لامن طاح حظي مثل دمعة ساجد
يرتفع قدري مثل سبابة المتشهد

آمين