اخترنا لكم

اخاف انحرم من شوفتك والذكي خواف
اطيع الزمن لو كان ماودي اطيعه

احبك وتباً للتقاليد والاعراف
ابضيع بين ايديك والضيعة الضيعة

وصلتك بما فيني من ارهاق واستنزاف
اقدم لك الطاعة واجدد لك البيعة

متى اضعف والاحظ مفرداتي تصير ضعاف
اذا جيت اوادع واحدن صعب توديعه

.....

تذكرت والذكرى الحزينه تهد الروح
ومن ذاق وجعتها معاد يتصورها

.....

يفطر عليك القلب وان فارقك صام
والله لو انك شوك سدره كليتك

القلب طير لا دعي للهوي حام
ولا انت وكره من كثر ما هويتك

كن العيون من النظر عقبك ايتام
وكني ما رايت الا انت من يوم رايتك

محمد بن فطيس

يايمه معاد ابي سوا راحة البال
حتى الهواء اليوم معاد هو ليّه

يايمه يطيح من التعب قلب رجال
وشلون انا ما أطيح وانا بنيه

معاد قلبي يحتمل خيبة آمال
خذيني بحضنك وسمي عليه

.....

تفارقنـا وصـرنا يـا حبيبـي بالزمـان أغـراب
وتاهت في دروب الشوق يا عمـري خطاوينـا

تفارقنا ولا ندري عـن الفـرقـا وش الأسبـاب
ظـروف الوقـت ولا خانت أحكـام القـدر فينـا

حبيبي يا بعد كل الحضور ويا بعد مـن غـاب
ترى لـو عـانـدت دنيـاي مـا واللـه تنـسـيـنـا

أكيـد إنـا تفارقـنـا ولكـن مـا نـزال أحبـاب
سكن فينا غلاك اللـي علـى بعـدك يواسينـا

.....

صدفه غريبه والحقيقه ماعلى الدنيا غريب
يا زينها صدفه بلا سابق وعد يا زينها .

الله صرفها لي مثل صرف العلاج من الطبيب
أثر الجروح تطيب لا من عولجت في حينها .

لا طاب جرحي منه من غيره لعلّه ما يطيب
يطعن وطعناته على شان الغلا راضينها

.....

من يعزّك مايشوف الردى فيك
ومن يكرهك حتى بخيرك يذمك

.....

‏لولا سجودي وأنكساري لربّي
مارتحت يانفسي من الضيق ساعه

في سجدتي القى علاجي وطبّي
وفي دعوتي معنى الرضا والقناعه

.....

ما علم الا جرحه بقلب واوراق
كثر القلوب اللي توسم بوسمي

ولا طاح كبري غير له خلق واخلاق
واللي خلق من سلسله طين جسمي

يا عل مالي فالوهم حلم منساق
وعسى شعوري دايما حول قسمي

يطري علي ان حمر الشمس الاشراق
ويطري علي ان سيل الغيم وسمي

وانا ادري ان له قلب ما غثه فراق
ويمكن مع الايام ما يذكر اسمي

أجيه مملي لهفه وخوف واشواق
واروح كاسر خاطري رد رسمي

.....

لو غاب نور البدر في عتمة الليل
ينشاف نور البدر في وجه خَلي

.....