فوق هام السحب ( الشعر الشعبي) على متن القوافي

قد قلت لگ يا بوح صـدري تركد
ماكل شخصٍ لا لفيتـه يلبيگ

مهما شكيت الحال علمٍ مــوّكد
محد يحس بلووعتگ غير مغليك

......

ياحي من جاني وفي عينه الشوق
ياحـي منطـوقـه وياحـي شـوفه


الغالي اللـي بالغَـلا منزله فوق
كل المشاعر فـي حضوره شغوفه

......

يسعد مساكــم بالقصايــد والابيات
واجمل حروف الشعرواجمل قوافي

لكل غالـــي مسكنه داخـــل الذات
ومكانته وســـط الضلــوع الخوافي

مني ســلام الود واجمــــل تحيات
مخصوص توصـل كل انسان وافي

بالورد والنرجـس على شكل باقات
من قلب صافـي للقلوب الصوافي

يسعد مساء الجميع

مشتاق لــك والليل جماع الأحباب
عودي لقلبي يا منى الروح عـودي

طال انتظارك والرجا فيك ما خاب
صبري تجاوز يا حياتي حـــدودي

......

‏لا تتبع المقفين وتقـول غاليين
ما دامهم أقفوا هـمّ مرخصينك

خلهم مثل مايرخصونك رخيصين
أكبـر خساره تشتري بايعينك

......

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
وياما وطت الأقدام عجلات الأقدار

......

‌‎لـي صاحبٍ يسوي جميع المخاليق
في خوتّه طيب النبا و الرفاقه

أجيه وأنسى الهم لاصابني ضيق
ويفرح على شوفي ويشفق شفاقه

راع الوفا راع العهود المواثيق
الوافي اللي ما يخون الصداقة

......

‏دوّر على شي تساعد به الناس
واترك طريق الخير مفتوح بابه

اما تحصل كلمة ترفع الراس
وإلا تحصّل دعوة مستجابه

......

‏مو گل صدفه للبشر تجمع احباب
ولا كل فرصه في حياتـك سعيده

يمكن يكون احيان اغلاق الكتـاب
أفضل ترى من فتح صفحه جديده

......

‏دايم يجيني ف اخرالليل ذكره
واقفل سنين الرجا واشعله ضي

ياخاطري ماتنفع الضيق عبره
وماكل حي يسد في غيبته حي

......