اخترنا لكم

للود بين الناس وزن ومعايير
ودٍ صحيـح وود حسب المصالح

ويبين بظـروف الليالي المداوير
اللـي تميّز لك خبيثٍ وصالح

‎النجم العالي

تتقي ورى لسانك بالكلام اللين
وأنت في كبدك حزوز ونيتك ملعونة

تحسب إني يوم تضحك لي عليك هوين
والخبيث أدري بخبثه لو ضحك بسنونه

أنت قلي من سواد القلب ويش تعين
هقوة الطيب وراك وهقوتك من دونه

لكن خذ الصادقة وأخذ الكلام البين
من فتح فيه طرف عينه طمست عيونه

شايع العيافي

احفظ مباديك واحفظ وجهك وقدرك
واحرص على الطيبه لو انها كلفه

مانته لحالك تشيل الهم في صدرك
من هرجة الناس ومن النظره الصلفه

الناس غايات والغايات لاتدرك
كم شيخ قومٍ عليه القوم مختلفه

‎فايز سراحان

‏يا اصحابنا مكثرين الضرب والطعنا
وش حالكم طيبين الله يمنعكم

ان زانت النفس نص الزاد يعجبنا
وانتو من الشك حتى الضحك يزعجكم

ناصر بن منقرة

ياناقد الناس وينك عن مناقبها
غرات الاجواد عند العارفه مثلم

مطية إبليس حبلك فوق غاربها
سريت لك في طريق ٍ منه ماتسلم

الكامل الله وخلقه لاتعذربها
حتى القمر هو قمر له جانب ٍ مظلم

ضيف الله أبا العون

يا رفيقي ما ورى الدنيا وأهلها طمعه
والأماني ما تحقق حلم للمتحلّم

أجتهد فالدين دام الدين راس السمعه
وأستعن بالله وخلّك للسفر متولّم

حظ من حول لوجه الله تعالى دمعه
وكل ما ضاقت به الدنيا سجد ما كلّم

وتدري الخسران منهو في نهار الجمعه ؟
اللي ما صلى على وجه الرسول وسلّم

صل الله عليه وسلم

هي تقول :
‏أنت وطن قلبي و أجمل أمانيه
‏يا ثاني رجال أحبّه بعد أبي

‏وهو يقول :
‏انتي في حفظ الله وقلبي انا
‏يا ثاني بنت احبها بعد امي

الاصدقاء لاصـادقو صـــدق اصدقاء
والصـدق يتـوثق بـذي حـبله وثيق

.....

مااحناء من اللي يحب المشاكل
لاكن لياء جت ترانــاء اهــلـهـاء

.....

يـــاطير وسّع خاطرك فوق الاشـــجار
واصـــدح بزينات اللــحون الجميلـــه

لـــو بالخواطر ضيق واحزان واســرار
الصـــبر غايـــات النـــفوس النبيـــله

.....