فوق هام السحب ( الشعر الشعبي) على متن القوافي

انـا علــى باب الــوفــا مـــا تعديت
‏استقبل الوافيــن حــب وكـرامه

‏واللـــي تجاهلني وهــو عارف البيت
‏إن جاء هلا وإن راح درب السلامه

......

ابشرك لا زال قلبي ينبض
بالحب لك والشوق لك يملاني

الروح تواقه وعقلي يرفض
فكره محبة اي واحد ثاني

والعين تسأل والمشاعر تلفض
رغباتها كلمات من وجداني

تعبير يشرح لك ومعنى يوقض
ضمير قلب احساسك الانساني

من اجل لا تجبر شعوري يفرض
واقع وينسا كل من ينساني

......

بيض الله وجه من كفى ووفى
الرفيق اللي مع أهل الطيب وافي

لا نصيته في لزومك ما تخفى
طيبٍ والطيب عادات السنافيي

......

عشقنا الطناخه وارتفعنا عن المنقود
رقينا على عرش الكرامة ولا زلنا

طموحاتنا بعزومنا تبلغ المقصود
وعلوم القلوب الحاقدة ما تنزلنا

......

يـمضي الردا لا جاك من نايد الناس
ويتعبك من ناس يضمك نسبـها

ما يوجع الشجرة قسى ضربة الفاس
أكبر وجعها ان العصا من خشبها

......

علم الي يرجم الحيد من بين الرجوم
ماعلينا من مديحه ولا شتايمه

من وقفنا له رفعناه من فوق النجوم
ومن قعدنا له ماقامت ل حظه قايمه

......

اللَيالي تجارب والتجارب غنايم
يعقب العسر يسر ويعقب اللين شده

مايعقل حظوظ اللَقوم غير الظلام
ولا يثقل ظهور الزمل غير الاشدة

......

يالله دخيـلك من صواديف الايــام
ويالله عــسى فالامـر خيرٍ وخيـــره

العمر يمــشي والمـــواعيـد قــــدام
ولا فاتت الاولـى تبقّـــى الاخــيره

نمشــي مع الاقـدار ونسوق الاقدام
ويّـديــنا فالطـــيب ماهــي قـصـيره

......

العود يقدح سّطر والموت من دونه
النفس فالماقف الغصاب يرميها

والجيب في ماقفغ ماخيب اظنونه
يغنيك عن خوة الدنيا وما فيها

......

ما ندعس إلا على خشم العسر والمحال
ولا نصارع سـوى موج المحيط الخضم

وما نجي إلا بذي ماكـــــان يخطــر ببال
ولا نعوّد سوى باحرازنا اعلى رقم

...... ‌‏