فوق هام السحب ( الشعر الشعبي) على متن القوافي

‏لك في عيوني شوق وظلال وااوطان
والحب وسط عروق قلبي يصبّك

لو كنت ماحبّك ولا اهتّم ماكان
تسمع تناهيدي بـ كلمة احـــبّك

......

انت النسيم اللي له الروح تشتاق
وانت الحضور اللي عيوني تحبه

وانت الحبيب اللي له القلب خفاق
يا عذب نسيم الشوق وأجمل مهبه

......

‏سبح وهلل واذكر الله دقايق
‏ما اظن تاخذ وقت ي مضيع الوقت

‏واطلب جليل المُلك لا صرت ضايق
‏عساه يفرج ضيقتك كل ما ضقت

......

‏انت طبّ الجـرح وعيون الطريق
‏وأنت لك في خاطري قدر ومقام

‏لا تغار ولا تشــــــــــك ولا تضيق
‏دامك انـت الأول ومســك الختام

......

‏يامن تراقبني ترى الحرف لك انت
تعال واكتب وش شعورك تجـاهي

تعبت ألمح لك شعوري فلا هنـت
وأخاف تفهمها القلوب السواهي

......

‏الصـــداقة تراهــا فعل ماهي كلام
واصدقاك الحقيقيين مثل النجوم

ما تبين النجـــوم إلا بوقت الظلام
ولا يبين الصديق إلابوقت اللزوم

......

باسم الغـــلا ساكن وبالقلب حليت
بقصى خفوقي مسكنك يوم ضمك

لا ما اتخلى عنك لو غبت وابطيت
غلاك يسري بي مثـــل سير دمك

......

فـي غـيـابـك أشتعل مـثـل الجـــمـر
وفي حضورك كل شي يصبح جميل

أكــره اللــحـضات في بُعـدك تــمر
وأجـمـل الاوقـات فـي قـربــك تمـيل

بس تـوعــدني معـي تـقـضي العمر
وأوعـدك لجـلــك أسـوي الــمستحيل

......

‏نور الصباح اللي على طلتك فاق
يقطف من اشواق المحبين باقـه

بينك وبين الصباح تحتار الأذواق
سكـر حضـورك نادراً في مـذاقـه

......

‏ماهو على كيف المخاليق تختار
مافيه أحـديعرف نهاية مصيره

حكم القدر واقـع ولا تنفع أعذار
لكن ترى بـعـض المقادير خيره

......