فوق هام السحب ( الشعر الشعبي) على متن القوافي

آنا يآ رفيقي يوم آعزمك على الميسور
ترى من غلآك وجيّتك لي تشرفني

عدآك الملآم إليا تعذّرت لي معذور
لكن لآ توجّب عند غيري وتسفهني


شاعر الموسم

الأصحاب خلهم في حياتك نمر تعشيق
الأول هــو الأول والـثـاني هـو الـثـاني

لكن واحـد خـله دبـل لاحـداك الضيـق
لا تستخدمه في كـل الأوقـات مجـاني


علي البورع
‎

من التجارب خذينا اللي يكفينا
ومصادم الوقت علمنا وخلانا

مانراعي الا الصديق اللي يراعينا
ننصاه لاضاقت الدنيا وينصانا

واما خوي السعه ماعاد يعنينا
حنا نسيناه والمفروض ينسانا


ممدوح التويجري
‎

بين الظروف وبين ماجابه الله
استنفرت قوات صدري قواها

والحظ خلا من مصيره محله
وقف بوجه الحاجه اللي اباها

سيفه بوجهي كل لحظه يسله
لو ان نفسي عايـفه مبتغاهـا


محمد بن عبدالله

المجامل بعض الأحيان ما يقضي لزوم
لابو النفس الضعيفه ولابو جدها

مير تجبرنا العوايد وتجبرنا السلوم
نكتم الأسرار يالين تاصل حدها

كلّ ماكبرت وضاقت على عيال الرخوم
نحتزم لأكبر مصيبه و ناطى خدّها

جعل قسمي عند ربي من خيار القسوم
واحدٍ يعطي العطايا ولا يرتدّها


سلطان الهاجري

يانفس لايزعجك شوف الغرايب
يـاما مع الأيـام شفـتي وعفـتي

والـوقت هذا وقت كلـه عجايـب
حتىَ المنافق صار يوعظ ويفتي


النجم العالي

‎

الليالي فــ الاوادم عرفتنا
لين بان البوم والحر القطامي

والزوابع زوبعتها مااخلفتنا
ماعلينا من محرفة الكلامي

في علوم اهل النقيلي مالتفتنا
ان كثر وان قل ماهوب اهتمامي

مع هل الطالات زادت معرفتنا
كل واحد من هل الطاله حزامي


......

اكبح هوى نفسك وبصرك يقديك
ناج الكريم اللي على الخير قداك

رزق ٍ لغيرك ماهو لك لو هو بيديك
رزقك لا راد الله محد يمنعه جاك

الحق يرضي اهل الحق ويرضيك
من لا رضا بالحق جنبه وعفاك

اصبر على الدنيا وجود مباديك
لا طاب فالك زان جوك ومرماك


الطويلعي

روّح زمان الخوي اللي نعده خوي
يبسطك بسلوبه وهرجه وعفويته

يضحك ولو المصايب زقمها ملتوي
يعشق دروب الصراحه ماقلب نيته

وجانا زمان الخوي اللي ماهو بحموي
يجيك فاللحظه اللي ماتبى جيته

ياجعل حبل العلاقة ينطوي ينطوي
قرصة حنش خير من قربه ومن فيته


فايز المنصوري
‎

خويك الجوال يامدنّق الراس
يروح وقتك وانت ساهي وفاهي

نسخ ولصق ماعاد تبغى ولاناس
وماعاد تبغى غير فنجال شاهي

ضيع صلاواتك ولاعندك احساس
عايش حياتك بالملذات لاهي

اقوى من الادمان ياطيب الساس
يالله عسى لطفك بنايا الآهي


فايز المنصوري
‎